Խստագույն կանոններով, բայց ոչ լայնամասշտաբ սահմանափակումներով մենք պետք է կանխենք վիրուսի տարածումը. Գախարիա
«Խստագույն կանոններով, կարգապահությամբ, բայց ոչ սահմանափակումներով և տնտեսության կանգով, մենք պետք է կանխենք վիրուսի տարածումը»,-այսօրվա կառավարության նիստում հայտարարել է Վրաստանի վարչապետ Գեորգի Գախարիան:
Նրա հայտարարությամբ՝ երբ որոշվել է երկրում արտակարգ դրություն սահմանելու հարցը, հաշվի են առնվել երկրի առկա ռեսուրսներն ու առողջապահական համակարգի վիճակը, որը թույլ էր՝ համեմատած շատ զարգացած երկրների հետ: Թեև, ըստ վարչապետի, այս դեպքում այն բարեհաջող է հաղթահարել իրավիճակը:
«Այնուամենայնիվ, ես ուզում եմ ձեզ ասել, որ տեսականորեն հնարավոր ցանկացած սահմանափակում կլինի միայն նպատակային և կկրի տեղային բնույթ: Դրանք չեն լինի ազգային մասշտաբի սահմանափակումներ, դրանք չեն կարող լինել համակարգային սահմանափակումներ մեր կյանքի այնպիսի ոլորտներում, ինչպիսիք են տնտեսությունը, կրթությունը կամ ընտրական գործընթացը», – ասել է Գախարիան:
Zham.am
Հետևեք մեզ Facebook-ում