Իրանական գազը Թուրքիայի համար կզեղչվի 13.3 տոկոսով

Իրանի Իսլամական Հանրապետությունից (ԻԻՀ) Թուրքիա արտահանվող բնական գազը այսուհետև կմատակարարվի 13.3 տոկոս զեղչով:

Թուրքական «Milliyet» պարբերականը, հղում անելով իրանական «Iranian Students» լրատվական գործակալությանը, նշում է, որ այդ մասին մայրաքաղաք Թեհրանում տված մամուլի ասուլիսի ժամանակ հայտնել է Իրանի նավթի փոխնախարար և Համիդ Ռիզա Իրաքին:

Նշյալ զեղչն Իրանը Թուրքիայի համար կատարել է մի քանի օր առաջ միջազգային արբիտրաժային դատարանի որոշման հիման վրա: Բացի այն, որ դատարանը Իրանին պարտավորեցրել է բնական գազի հարցում 10-15 տոկոսի չափով անել Թուրքիայի համար, Իրանը պետք է նաև Թուրքիային վճարի 1.9 մլրդ դոլար փոխհատուցում:
Նշենք, որ պաշտոնական Թեհրանը և Անկարան իրանական գազի զեղչի հարցը նախ փորձեցին իրար միջև լուծել, սակայն հաջողության չհասնելով, Թուրքիան իրանական գազի գնի բարձր լինելու պատճառով` 2012թ. դիմեց միջազգային արբիտրաժային դատարան:
Նշենք, որ Թուրքիային բնական գազ վաճառող երկրների շարքում Իրանը Ռուսաստանի Դաշնությունից (ՌԴ) հետո երկրորդ տեղն է զբաղեցնում: Իրանական գազը Թուրքիա է մատակարարվում 2001թ-ից:

Աղբյուր` Ermenihaber.am