Սերգեյ Լավրով. «Բաքուն և Երևանը զգալի մոտեցրել են իրենց դիրքորոշումները ղարաբաղյան խնդրի լուծման հարցում»

Միջնորդների աջակցության շնորհիվ Բաքուն և Երևանը զգալի մոտեցրել են իրենց դիրքորոշումները ղարաբաղյան խնդրի լուծման հարցում, կարգավորման հիմնարար սկզբունքները հիմնականում համաձայնեցված են. այս մասին հայտարարել է  ՌԴ ԱԳ նախարար Սերգեյ Լավրովը «Գործընկերություն, հիմնված վստահության վրա. Ռուսաստանի և Ադրբեջանի միջև դիվանագիտական հարաբերությունների 25 ամյակին» նվիրված հոդվածում՝ հրապարակված «Бакинский рабочий» թերում:

«Անկեղծ հետաքրքրված ենք նրանում, որպեսզի տարածաշրջան խաղաղություն ու հանգստություն վերադառնա, որպեսզի այնտեղ դադարեն մարդիկ զոհվել, բացվեն սահմանները, վերսկսվեն տնտեսական կապերը: Դրա համար անում ենք ամեն հնարավորը: Իրականացնում ենք մեր միջնորդական առաքելությունը ինչպես ինքնուրույն, այնպես էլ ԵԱՀԿ Մինսկի խմբի մյուս՝ ԱՄՆ-ի և Ֆրանսիայի համանախագահների հետ: Միջնորդների աջակցության շնորհիվ կողմերին հնարավոր դարձավ զգալի մերձեցնել իրենց դիրքորոշումները վիճելի շատ հարցերի շուրջ: Հիմնականում հանաձայնեցվել են կարգավորման հիմնարար սկզբունքները», - հայտարարել է Լավրովը: Այս մասին տեղեկացնում է «ՌԻԱ Նովոստին»:

Միևնույն ժամանակ Լավրովը նշել է, որ Ադրբեջանն ու Հայաստանը «տարբեր կերպ են տեսնում հիմնարար սկզբունքների կյանքի կոչման հերթականությունը»:

«Այս կապակցությամբ մեր խնդիրը նրանում է, որ օգնենք կողմերին առկա ձեռքբերումների  հիման վրա բալանսավորված որոշում գտնել: Հույս ունենք, որ Բաքուն և Երևանը կկարողանան քաղաքական կամք ցուցաբերել, պատրաստակամություն՝ փոխզիջումների: Դա անհրաժեշտ է բանակցային գործընթացի արդյունավետության համար», - ասել է ՌԴ ԱԳ նախարարը:

Նրա խոսքերով, «առաջ շարժվելու կարևոր նախապայման է մնում հակամարտության գոտում լարվածության նվազումը և ուժային միջոցներով այն լուծելու փորձերի հրաժարվելուց: Իր հերթին Ռուսաստանը պատրաստ է աջակցել խնդրի կարգավորման այն տարբերակը, որը ձեռնտու կլինի բոլոր ներգրավված կողմերին, իսկ պայմանավորվածության հասնելու դեպքում՝ մյուս միջնորդների հետ միասին հանդես գալ որպես կարգավորման երաշխավոր», - հավելել է նա:

Zham.am