Յուրի և Արթուր Սաքունց եղբայրները գրանցեցին համաշխարհային և Գինեսի հերթական ռեկորդներ. Լուսանկար

Չարենցավանի համայնքապետարանի ֆեյսբուքյան էջը տեղեկացնում է․

«Օրն սկսենք ուրախ մարզական նորությամբ

Սեպտեմբերի 2-ին Ստեփանակերտի Ստեփան Շահումյանի անվան մարզադաշտում մեր համայնքի բնակիչներ Յուրի և Արթուր Սաքունց եղբայրները գրանցեցին համաշխարհային և Գինեսի հերթական ռեկորդները:

Յուրի Սաքունցը ձեռքերի վրա հենված դիրքում ատամներով քաշելով տեղից շարժեց 4տ. 100կգ. քաշ ունեցող ավտոմեքենան:

 Իսկ Արթուր Սաքունցին հաջողվեց ատամներով քաշելով տեղից շարժել 12տ. քաշ ունեցող ավտոբուսը:

Միջոցառմանը ներկա էին ԱՀ նախագահ Արայիկ Հարությունյանը, ՀՀ ԱԺ նախագահ Արարատ Միրզոյանը, ԱՀ պետնախարար Գրիգորի Մարտիրոսյանը, ԱՀ ՌԵՍԶ նախարար Սամվել Շահրամանյանը և պաշտոնատար այլ անձինք:

Պրոֆեսիոնալ մարզիկներ ու բազմակի ռեկորդակիրներ Սաքունց եղբայրները հերթական ռեկորդը նվիրեցին Արցախի Հանրապետության հռչակման օրվան:

Լուսանկարները՝ Արցախի հանրապետության ռազմահայրենասիրության, երիտասարդության, սպորտի և տուրիզմի նախարարության»։