Դևը մեծանում է, անպատժելիության համն առնում ու իրեն թույլ է տալիս մսխել մեր պետության համար կարևոր մարդու քաղաքական ժառանգությունը. Տեսանյութ

Գիտեք, մի խոսք կա՝ природа отдыхает на детях։ Դա ասում են այն դեպքում, երբ երեխան, լինելով տաղանդավոր ծնողների զավակ, չի ժառանգում ծնողների տաղանդը, կենսական էներգիան ու մարդկային կերպարը։ Այսինքն դա մի իրավիճակ է, երբ տաղանդավոր մարդն ունենում է միջակության մակարդակի զավակ։ Ցավալի է, բայց դա պատահում է։ Բայց Հայաստանում կա այս ամենի մեկ այլ դրսևորում՝ տաղանդավոր մարդըխն ունենում է խիստ անտաղանդ, քուչի մակարդակի եղբայր։

Վազգեն Սարգսյանը մեծ դեր է խաղացել թե՛ Ղարաբաղյան պատերազմի ժամանակ մեր հաղթանակների մեջ, թե՛ ՌԴ-ի հետ մեր իրապես ռազմավարական դաշնակցային հարաբերություններ կառուցման գործում։ Վազգենի քաղաքական ժառանգությունն է նաև Ռոբերտ Քոչարյանին Հայաստան հրավիրելու փաստը։ Սարգսյանը՝ լավ իմանալով ՀՀՇ-ական ռեժիմի ծրագրերը, Քոչարյանի հետ միասին կանխեց ԼՏՊ-ի ցանկության իրականացումը, և ոչ միայն Ղարաբաղը պահեց մեզ համար, այլ նաև բերեց մարդու, ով կարողացավ տնտեսությունը կյանքի վերադարձնել։

Բաաաայց.... այս ամենը գետնով է տալիս Վազգենի եղբայր Արամը, ով քաղաքականությունը պատկերացնում է Դավալույի քուչի մակարդակի բամբասանքի տեսքով։ Արամն ամեն գնով ուզում է քանդել մեր դաշինքը ՌԴ-ի հետ, դրանով իսկ կամա թե ակամա նպաստելով թուրքերի ռազմավարական ծրագրերի իրականացմանը։ Քուչի բեսետկեքի մակարդակից չբարձրացած Արամը պետք է խոստովանի, որ եթե Վազգենը չլիներ, նա այդպես էլ կմնար Դավալույում «սեմուշկա» չրթող, և կյանքում անգամ Պուտինին մոտիկից չէր կարողանա տեսնել, էլ չեմ ասում «կպնել» Պուտինին։

Լավ կլինի Արամը նաև սա դիտի, և տեսնի, թե Վազգեն Սարգսյանը ինչ էր ասում Քոչարյանի մասին։ Արամը պետք է դիտի և ամաչի, որ եղբոր ժառանգությունը մսխում է։

Ու մի բան էլ՝ Քոչարյանը սխալներից մեկն այն էր, որ ոմանք չեն ստացել իրենց հասանելիք պատիժը, դրա համար այսօր թփրտում են։ Մեկը վագոններով ապրանք և շինարարական տեխնիկա էր գողանում ավիրված Սպիտակից, մյուսը՝ Տիգրան Նաղդալյանի սպանության հետ կապված հարցերի չպատասխանեց։ Այսպես է լինում, երբ «դևի գլուխը» քոքից չես կտրում։ Դևը մեծանում է, անպատժելիության համն առնում ու իրեն թույլ է տալիս ոչ միայն քաղաքական հայտարարություններ անել, այլ նաև մսխել մեր պետության համար կարևոր մարդու քաղաքական ժառանգությունը։

Վազգեն Սարգսյանի հիշատակը հարգելու լավագույն տարբերակը կլինի իր եղբորը Դավալույի քուչի բեսեդկա վերադարձնելը։ Այդտեղ նա մաքսիմալ անվտանգ կլինի մեր պետության համար։

Արմեն Միքայելյանի ֆեյսբուքյան էջից