««Green Card»-ը ջեբում, բայց Հանուն Հանրապետության». հանուն Հանրապետության, թե՞ երրորդ ուժի. Լուսանկարներ

Երևանի ավագանու «Լույս» խմբակցության անդսամ Դավիթ Խաժակյանն իր վերջին հարցազրույցներից մեկում տեղեկացրել է, որ «անկախ պատգամավոր» Արման Բաբաջանյանը վերջերս «Green Card» է շահել:

Դավիթ Խաժակյանի հրապարակած տեղեկությունները գալիս են անլրջացնելու ընդհանուր պատկերը Արման Բաբաջանյանի գործունեության վերաբերյալ: Սրան հավելենք նաև այն տեղեկությունը, որ ըստ WikiLeaks-ի տվյալների Արման Բաբաջանյանը հանդիսանում է անհատական կարգով Stratfor (Strategic Forecasting Inc) ամերիկյան մասնավոր հետախուզա-վերլուծական ընկերության գործակալ և շարունակաբար գաղտնի տեղեկություններ է տրամադրել իրենց:

Այսօր Հայաստանում շատերն են գրում այն, ինչի մասին տարիներ շարունակ գրում էր Zham.am-ը, որ Արման Բաբաջանյանը Հայաստանում սպասարկում է երրորդ ուժի շահերը:

Արման Բաբաջանյանը սպասարկում է մի քանի օրակարգ, որոնց թիրախում են հիմնականում հայ-ռուսական հարաբերությունների վատթարացումը, ռուսական 102-րդ ռազմաբազայի հանումը երկրի տարածքից, Հայաստանի արտաքին քաղաքականության կտրուկ շրջադարձը դեպի Արևմուտք, ինչպես նաև ԱՄՆ և ՆԱՏՕ-ի հետ հարաբերությունների սերտացումն ի վնաս ՀԱՊԿ-ում և ԵԱՏՄ-ում մեր ինտեգրմանը:

Սակայն այսօր շատ ավելի կարևոր է արձանագրել այն, որ մարդը՝ ով ունի գրին քարտ և, ըստ չհերքված տեղեկությունների, օտարերկրյա հետախուզական բնույթի գործողություններ է իրականացնում այդ ընկերության հետ, նա ակտիվորեն շարունակում է լինել իշխանությունների հովանու ներքո: Նա ոչ միայն օգտվում է իշխանական քարոզչամեքենայի բոլոր ընձեռնած հնարավորություններից, այլև կարողանում է իր միջոցառումներին ներգրավել ներկա պետական պաշտոնյաների:

Երբ իշխանությունները բոլոր հնարավոր մակարդակներով աջակցում են նման անձանց, դա արդեն հարցեր է առաջացնում առ այն, որ իրենք միգուցե նույնպես սպասարկում են այն նույն օրակարգը, որի սպասարկմանը կոչված են Արման Բաբաջանյանի գործողությունները:

Իշխանությունների նման գործելաոճը շատ լուրջ հարցեր է առաջացնում հատկապես հաշվի առնելով հուլիսյան իրադարձությունները Տավուշում: Այդ իրադարձությունները շատ ցցուն կերպով բոլորի համար ակնհայտ դարձրեցին, թե ինչ նշանակություն ունի մեր անվտանգության համակարգի համար Ռուսաստանի Դաշնությունը, և այն, որ ռուսները Հայաստանի համար հովանոց են ապահովում թուրքական իրական վտանգից, որը վերջին շրջանում ակնհայտ է դառնում ոչ միայն հայաստանյան, այլև արտասահմանյան լուրջ վերլուծաբանների կողմից:

Սեւակ Դանիելյան