Լարիսա Մինայանը մտահոգված՞է Փաշինյանի լռությունից Ալեն Սիմոնյանին պատասխանատվության կանչելու վերաբերյալ

Ինչպես հայտնի է, օրեր առաջ հայաստանյան Սորոսի հիմնադրամի ղեկավար Լարիսա Մինասյանը կոչով դիմել էր ԱԺ նախագահ՝ Արարատ Միրզոյանին, խնդրանքով ՝ նախաձեռնել ԱԺ էթիկայի հարցերով ժամանակավոր հանձնաժողովի ձևավորում և լսումներ՝ ԱԺ փոխխոսնակ Ալեն Սիմոնյանի կողմից ս․թ․ օգոստոսի 20-ին «Հրապարակ» օրաթերթին տված հարցազրույցում արված հայտարարությունների վերաբերյալ: Հիշեցնենք, որ այդ հարցազրույցում, Ալեն Սիմոնյանը վիրավորական արտահայտություններով էր հանդես եկել  Սորոսի և նրա հիմնադրամի վերաբերյալ:Սակայն Միրզոյանի կողմից լռությունը, մտահոգել է տիկին Մինասյանին և նա «Մեդիա կենտրոնում»  հիշեցրել է իր այդ կոչը, նշելով, որ ինքը՝ Մինասյանը «...Երբևիցե չի  ուզի կարծել, որ ինչ-որ կարծիքներ իշխանության դիրքորոշումն են...»: Այսինքն, տիկին Մինասյանը, ուզում է ասել, որ Ալեն Սիմոնյանի կարծիքը հիմնադրամի վերաբերյալ, չի համարում նաև Փաշինյանի կարծիքը: Սակայն, ըստ Մինասյանի, կարևոր է, որ իշխանությունն արձագանքի այդ կապակցությամբ, քանի որ, ըստ նրա  «...հիմնադրամի շուրջ անձնավորված, թիրախավորված խոսակցությունները,  լոզունգային մոտեցումը իմաստազրկում է թե՛ գործը, թե՛ գործունեութունը, թե՛ նպատակները...»:

Այլ կերպ ասաց, տիկին Մինասյանը կարծում է, որ երբ հիմնադրամը թիրախավորվում է, և ընդիմության, և իշխանության կողմից, ապա դրա արդյունքում, հեղինակազրկվում է հիմնադրամի  ողջ գործնեությունը:

Փաստացի Մինասյանը ակնարկում է Փաշինյանին, որ երբ Սորոսի հիմնադրամի վրա ստվեր է ընկնում, ապա դրանից տուժում է նաև նրա՝ Փաշինյանի իշխանության վարկանիշը: Քանզի, Սորոսի հիմնադրամը, փաստացի փայ ունի իշխանության մեջ և ասոցացվում է իշխանության հետ:

Մինջդեռ, Ալեն Սիմոնյանը, շատ կոպիտ ձևով նշել էր, թե Սորոսը չունի և չեր էլ կարող ունենալ փայ իշխանության մեջ:

Այսպիսով Մինասյանը ակնարկում է իշխանությանը, թե Ալեն Սիմոնյանը «փչացնելով» հիմնադրամին, փաստացի վարքաբեկում է սեփական իշխանությանը:

Ավելին, Լարիսա Մինասյանի կարծիքով Ալեն Սիմոնյանը Նարեկ Մալյանից էլ ավելի վիրավորական գնահատականներով հանդես եկավ, «իջեցնելով բանավեճի որակը»:

Այստեղ է, որ արժե հարցնել տիկին Մինասյանին,- որ՞ բանավեճի մասին է խոսքը: Ում՞ հետ են  վերջին երկու տարվա ընթացքում սորոսականները մտել բանավեճի մեջ:

Իրենց պայվածքով, եթե նախկինում պահում եին ավելի համեստ, ապա այս վերջին երկու տարվա ընթացքում, նրանք ՞ եհովայի վկաների՞ աղանդավորներից  շատ չեին տարբերվում: Սորոսականները վերջին երկու տարիների ընթացքում, արդեն վերածվել եին տոտալիտար աղանդի, իսկ իրենց բառապաշարը բոլշևիկյան և նացիստական հռետորաբանությունից, գրեթե չեր տարբերվում:

Եվ այս ամենից հետո, մարդկանց, հանրությանը բաժանելով «հանցագործների», «5-րդ շարասյան ներկայացուցիչների», մերժելով բոլոր տեսակի  դեմոկրատական  բանավեճերի արժեքները, նրանք այսօր դարձել են, մերժելի  ողջ հանրության կողմից, որպես վտանգավոր աղանդ, ինչպես, մերժելի են  «իսլամական պետության» ներկայացուցիչները, գրեթե բոլոր  քաղաքակիրթ երկրներում:

Սա է իրականությունը:

Արտակ Հակոբյան