Քանյե Ուեսթը պաշտոնապես ներկայացրել է փաստաթղթերՆ ԱՄՆ-ում ընտրություններին մասնակցելու համար

Ամերիկացի աշխարահռչակ ռեփեր Քանյե Ուեսթը պաշտոնապես ներկայացրել է փաստաթղթերը՝ այս տարվա նոյեմբերին ԱՄՆ-ում անցկացվելիք ընտրություններին մասնակցելու համար: Քանյե Ուեսթը այն եզակի հայտնի գործիչներից է, ով մինչ ընտրություններին մասնակցելը հրապարակավ աջակցում էր ներկայիս ԱՄՆ նախագահ Թրամփին: Այդ իսկ պատճառով նրա որոշումը՝ մասնակցել ներկայիս ընտրություններին, շատերը բացատրում են նույն՝ Թրամփին աջակցելու նպատակով: Բանն այն է, որ Ջորջ Ֆլոյդի սպանությունից և դրա արդյունքում սևամորթների շարժում սկսվելուց հետո, դիտորդների կարծիքով, Թրամփի վիճակը կտրուկ վատթարացավ: Քանզի այս շարժումը հիմնականում օգտագործվեց դեմոկրատների կողմից՝ համախմբելու սևամորթներին ընդդեմ հանրապետական Թրամփի: Եվ այսօր առաջացել է մի իրավիճակ, երբ ամերիկացի սևամորթների մեծ մասը համախմբված է՝ քվեարկելու ընդդեմ Թրամպի: Հենց այս իրավիճակը հաշվի առնելով Թրամպի թիմին անհրաժեշտ էր ընտրություններին ունենալ սևամորթ թեկնածու, ով իր մասնակցությամբ կկարողանար տրոհել դեմոկրատների թեկնածու Բայդենի ձայները: Ըստ դիտորդների, Քանյեի առաջադրումը հենց այս հանգամանքով է պայմանավորված, և նա պետք է կատարի Թրամփի համար, այսպես կոչված, սփոյլեր-թեկնածուի դեր:

Սակայն նույն դիտորդները կասկածում են, որ Քանյեին կհաջողվի օգնել Թրամփին, քանզի նրա նախին աջակցությունը ներկայիս նախագահին թույլ չի տա նրան՝ կատարել այդ դերը: