Գոհար Ավետիսյանը թողարկում է հագուստի սեփական ապրանքանիշը․ հավաքածուն կներառի նաեւ մեծ չափսի հագուստ

Ռուսաստանում հայտնի վիզաժիստ եւ բլոգեր Գոհար Ավետիսյանը վերջերս առաջին անգամ մայր է դարձել։ Նա լույս աշխարհ է բերել որդուն, որին տվել է Գասպար անունը։

Նորաթուխ մայրիկն արդեն մի քանի օր է ակնարկում է հագուստի սեփական ապրանքանիշ թողարկելու մասին, սակայն այսօր՝ իր Instagram-ի հետեւորդների հետ անցկացրած հարց ու պատասխանի ժամանակ նա փոքր-ինչ բացել է փակագծերը։

Այո, նա թողարկում է հագուստի սեփական բրենդը, որը հավանաբար լունենա «GOGO» անվանումը։ Այն հարցին, թե կլինեն արդյոք մեծ չափսի հագուստներ, Գոհարն ասել է, որ կլինեն, սակայն որոշ մոդելներից։ Նա նաեւ խոստովանել է, որ դա իր երազանքն է եղել։ Գոհար Ավետիսյանը նաեւ խոստացել է շատ շուտով ամեն ինչի մասին պատմել, սակայն մինչ այդ նա մի քանի անգամ արդեն ներկայացել է «GOGO» գրվածքով սպորտային կոստյումով․ տաբատ եւ տոպ։

Աղբյուր՝ NEWS.am