Սերժ Սարգսյանն այսօրվա ասուլիսում հեգնեց Արցախի ներկայիս նախագահ՝ Արայիկ Հարությունյանին

Ասուլիսում հնչած այն հարցին, թե ինչպես է ինքը՝ ՀՀ Երրորդ նախագահը վերաբերվում այսօրվա Արցախի նախագահ Արայիկ Հարությունյանի այն տեսակետին, թե իբր,  2016-ի ապրիլյան պատերազմի ընթացքում Արցախի օդային տարածքը պաշտպանված չէր, Սերժ Սարգսյանը հեգնեց, նշելով, եթե այդպես լիներ, ապա Ադրբեջանը անպայման կօգտվեր այդ իրավիճակից և Ստեփանակերտը անխուսափելիորեն օդային ռմբակոցության կենթարկվեր:

Սերժ Սարգսյանը հիշեցրեց, որ 90-ական թվականներին եղել է ժամանակ, երբ Ստեփանակերտը ռմբակոծվում էր թշնամու կողմից օրեկան 300-350 հրետանային հռթիռներով: Եվ եթե նման հնարավորություն լիներ նաև 2016-ին, ապա Ադրբեջանը նույնպես, անպայման կօգտվեր այդ հնարավորությունից:

Ինչ վերաբերվում է անօդաչու սարքերի ներխուժմանը 2016-ին Արցախի օդային տարածք, ապա ՀՀ Երրորդ նախագահը նշեց, որ նրանք սահմանից ներս 10-11 կմ-ից ավելի խորը  չեն կարողացել ներթափանցել:

Ի դեպ, Սերժ Սարգսյանը նշեց, որ վերջին տավուշյան դիրքային բախումների ժամանակ ադրբեջանական անօդաչու սարքերը նույնպես կարողացել եին մինջև 10-12 կմ ներթափանցել դեպի Հայաստանի  օդային տարածք, սակայն այսօր ոչ ոք չի ասում, որ մեր երկրի օդային սահմանները անպաշտպան են:

Հիշեցնենք, որ որոշ ժամանակ առաջ, ներկայիս Արցախի նախագահ՝ Արայիկ Հարությունյանը. անսպասելիորեն հայտարարեց, որ 2016-ի ապրիլյան պատերազմի ժամանակ Արցախի օդային տարածքը պաշտպանված չէր, մինչդեռ այսօր իրավիճակը 180 աստիճան փոխվել է:

Դիտորդները Արայիկ Հարությունյանի այս խոսքը գնահատեցին, որպես ռեվերանս Նիկոլ Փաշինյանի ուղությամբ և միաժամանակ փորձ տարանջատվել այն տեսակետից, թե իբր ինքը՝ Արայիկ Հարությունյանը, միայն ձևական է աջակցում ներկայիս ՀՀ իշխանություններին, իսկ իրականում ծածուկ ձևով ներկայացնում է ՀՀ նախկին իշխանության շահերը: Իսկ այդ տեսակետը տարածված էր Արայիկ Հարությունյանի անցած ուղիով:

Արտակ Հակոբյան