Բելառուսի ԿԸՀ-ն հայտարարեց նախագահական ընտրությունների վերջարդյունքները, սակայն մարդկանց դժգոհությունները շարունակվում են. Տեսանյութ

Բելառուսի Կենտրոնական ընտրական հանձնաժողովը՝ ԿԸՀ-ն հրապարակել է օգոստոսի 9-ի նախագահական ընտրությունների վերջնական արդյունքները: Դրանք գրեթե չեն տարբերվում օգոստոսի 10-ի նախնական արդյունքներից: 

Ըստ ԿԸՀ տվյալների, վերընտրված նախագահ Ալեքսանդր Լուկաշենկոն ամենաքիչ քվեները ստացել է Բելառուսի մայրաքաղաք Մինսկում: Սակայն այնտեղ էլ, ըստ պաշտոնական տվյալների, նա հավաքել է ընտրողների ձայների 64,49%: Նրա գլխավոր մրցակից Սվետլանա Տիխանովսկայան մայրաքաղաքում հավաքել է ընտրողների ձայների 14,92%-ը:

Մինչ Բելառուսի ԿԸՀ-ն հայտարարում է նախագահական ընտրությունների վերջնական արդյունքները, երկրում չեն դադարում բողոքի ցույցերն ընդդեմ Ալեքսանդր Լուկաշենկոյի:

Օգոստոսի 13-ի առավոտից ընտրությունների արդյունքների հետ անհամաձայնություն հայտնող քաղաքացիները նորից փողոց են դուրս եկել: Այս անգամ նրանք «համերաշխության շղթաներ են» կազմում Մինսկում և այլ քաղաքներում:

Ինչպես հաղորդում են տեղական ԶԼՄ-ը, «համերաշխության շղթաներ» կարելի է տեսնել Բելառուսի բոլոր խոշոր քաղաքներում՝ Բրեստում, Լիդում, Գրոդնոյում:

«Համերաշխության առաջին շղթաները» սկսել են կազմակերպվել Մինսկում նախօրեին:

Zham.am