Շենգավիթում հորը եւ որդիներին դանակահարած 44-ամյա տղամարդը ձերբակալվել է. Տեսանյութ
Օգոստոսի 9-ին բժշկական կենտրոնից ոստիկանության Շենգավիթի բաժին ահազանգ ստացվեց, որ կտրած-ծակած վերքերով բուժօգնության են տեղափոխվել 3 քաղաքացի։
Ոստիկանության լրատվության ծառայությունից հայտնում են, որ ոստիկանները ճշտեցին նրանց ինքնությունը՝ հայր եւ որդիներ էին։ Նրանցից բացատրություն վերցնել չհաջողվեց։
Շարունակելով օպերատիվ միջոցառումները՝ ոստիկանները պարզեցին, որ նրանք դանակահարվել են Եղիշե Թադեւոսյան փողոցում։
Դեպքի վայրում նույնպես իրավապահները ձեռնարկեցին անհրաժեշտ գործողություններ՝ հանցագործությունը «տաք հետքերով» բացահայտելու համար։ Շուտով պարզվեց, որ դանակահարվածները կենցաղային հարցերի շուրջ վիճել են հարեւանի հետ։ 44-ամյա կասկածյալը, մարմնական վնասվածքներ պատճառելու կասկածանքով, բերման ենթարկվեց ոստիկանության Շենգավիթի բաժին։ Նա խոստովանել է կատարածը։
44-ամյա տղամարդը ձերբակալվել է։
Կատարվում է նախաքննություն։
Հետևեք մեզ Facebook-ում