Բելառուսի ընդդիմության առաջնորդը ղազագիր կարդաց, սակայն ցնցումները այդ երկրում դեռ շարունակվում են. Տեսանյութ

Թե ինչ կատարվեց Բելառուսում օգօստոսի 9-ին, բոլորիս համար էլ հասկանալի է: Ընտրություններում իշխանության թեքնածուն «ստացավ» ավելի քան 80 տոկոս ձայն, սակայն հանրությունն այդ արդյունքի հետ չհամաձայնվեց:

Անկախ ընտրությունների արդյունքներից, ընդդիմության գործողություններում կարևոր դեր է կատարում այդ ընդդիմության առաջնորդը:

Իսկ ներկայիս բելառուսական ընդդիմության առաջնորդը, մեղմ ասած, պատրաստ չէր նման զարգացումներին:

Բանն այն է, որ այդ երկիրը պատրաստ չէր լուրջ փոփոխություններին և արդյունքում ընդդիմությունը և նրա լիդերը ավելի շատ քաղաքական «տիկնիկներ էին» հիշեցնում, որոնց ղեկավարում էին դրսից: Եվ ինչքան էլ չսիրենք Բելառուսի նախագահ Ալեքսանդր Լուկաշենկոյին, չենք կարող չհամաձայնվել նրա այն գնահատականի հետ, որ այդ երկրի ընդդիմությունը հիմնականում կառավարվում էր դրսից:

Կարելի է դիտել այդ ընդիմության «առաջնորդի» ելույթները և ամեն ինչ պարզ կդառնա նույնիսկ անփորձ մարդու համար: Տպավորությունն այնպիսին է, որ Տիխանովսկայային, իր դրսի ղեկավարները չէին զգուշացրել, որ գործընթացները կարող են ընթանալ այնպիսի ուղիով, որի արդյունքում մարդիկ կարող են զոհվել:

Համենայնդեպս, լսելով այդ կնոջը, երևում է, որ նա խոսում է ոչ այնքան շարքային բելառուսցիների հետ, որքան իր քաղաքական դրսի՝ «կնքահայրերի» հետ, երբ նշում է, որ «...ինքը չի գնա այնպիսի քայլերի, որի արդյունքում մարդկանց կյանքերը կարող են կասկածի տակ դրվել...»:

Իսկ վերջին իր խոսքը ուղղակի ցույց է տալիս, որ Լուկաշենկոյի թիմը պարզապես ստիպել է այդ կնոջը ղազագիր ստորագրել, հավանաբար, որպեսզի իր ամուսնու հետ, բանտում բան չպատահի:

Հենց այդ հանգամանքով կարելի է բացատրել նաև նրա որոշումը՝ հեռանալ երկրից:

Այս ամենը ցույց է տալիս, որ Բելառուսում իրական ընդդիմության դիրքերը դեռ շատ թույլ են և Արևմուտքը ստիպված է հենվել անփորձ մարդկանց վրա, որոնք լուրջ քաղաքական պայքարի երբեք էլ պատրաստ չեն եղել:

Սա է իրականությունը:

Արտակ Հակոբյան