Ինչո՞ւ է Ալիևը Հայաստանի դեմ խաղարկում «սորոսական» խաղաթուղթը
Ալիևը իր այսօրվա ելույթում` խոսելով Հայաստանի մասին նշել է, թե իբր «...Հայաստանն միայնակ է մնացել Ադրբեջանի դեմ, քանզի նույնիսկ ԱՊՀ երկրներում չեն ընդունում Փաշինյանին...» որպես փաստարկ բերելով այն թեզը, թե «ՀԱՊԿ-ը չի կարող աջակցել սորոսական իշխանությանը...»:
Դրանից հետո Ալիևը հիշեցրեց, թե ինչպես էր Փաշինյանի իշխանությունն գործ հարուցում ՀԱՊԿ գլխավոր քարտուղար Յուրի Խաչատուրովի վրա, որի «գործն» մինչ այսօր դեռ շարունակվում է:
Ալիևի այս սորոսական «խաղաթղթի» խաղարկումը մեկ նպատակ ունի` ամեն կերպ «փչացնել» Հայաստանի կերպարը ԱՊՀ տարածքում և մասնավորապես Ռուսաստանում:
Այսօր արդեն բոլորի համար է պարզ դարձել, որ Թուրքիան արդեն «ինքնաներկայացել է» իր զինված ուժերով մեր տարածաշրջանում: Ընդ որում նրանք չեն էլ թաքցնում, որ իրենց գլխավոր թիրախը Հայաստանն է: Սրանց մնացել է մեկ բան, որ կասկածի սերմեր մտցնել Մոսկվայի մոտ Հայաստանի նկատմամբ: Իսկ այսօրվա Փաշինյանի իշխանությունը բոլոր այդ հիմքերը տվել է իր սորոսական շրջանակներով ովքեր ողողել են երկրի ողջ կառավարման համակարգը:
Ստացվում է շատ զարմանալի մի բան, որ Ադրբեջանն ու Թուրքիան գիտեն, թե ինչն է իրենց խանգարում Հայաստանի խնդիրը լուծելու համար, իսկ մենք այսօր կոնի վրա ենք դրել մեր երկրի, մեր երեխաների անվտանգության ապագան և զբաղված ենք ծիծաղելի ներկայացումներով:
Այսքանից հետո պարզ չէ՞, թե ինչու հենց մենք ենթարկվեցինք ցեղասպանության 1915-ին: Եվ թող ոչ ոք չասի, թե ամեն ինչ կանխորոշված էր: Մեր այսօրվա պահվածքը ցույց է տալիս, որ մենք մեր անվտանգությունը կարող ենք դարձնել սակարգության «ապրանք», մի բան, որ ոչ մի իրեն հարգող ժողովուրդ իրեն թույլ չէր տա:
Սա է իրականությունը:
Դավիթ Մկրտչյան
Հետևեք մեզ Facebook-ում