Ասում են մեր նոր կառավարությունը ուզում է դպրոցներից հանել հայ գրականության հին և միջնադարյան շարջանների ուսուցանումը. դա զարմանալի չի, չէ՞ որ նրանք մեր թշնամիների համար են աշխատում այստեղ

Ասում են մեր նոր կառավարությունը ուզում է դպրոցներից հանել հայ գրականության հին և միջնադարյան շարջանների ուսուցանումը. դա զարմանալի չի, չէ՞ որ նրանք մեր թշնամիների համար են աշխատում այստեղ, հետևաբար նրանք մեր ժողովրդի կրթական ռազմավարությունը այնպես են մշակելու, որ մեր նոր սերունդը արդյունքում զրկվի պատմական հիշողությունից ու կտրվի մեր հազարամյակների հարուստ մշակութային ավանդույթներից, այսինքն այս իշխանությունների դեմ խնդիր է դրված, որպեսզի հայ ժողովրդին վերածեն անցեղ ու անհայրենիք մանկուրտների զանգվածի, որոնք չեն սիրի իրենց տեսակը և իրենց հայրենիքը, որոնք կծառայեն ուրիշներին և կմտածեն, որ այդպես էլ պիտի լիներ, որ դա է ճիշտը. տղաները, որպես նեղ մասնագետներ, գլուխները կախ օրնիբուն ստրուկի նման կաշխատեն ի բարօրություն օտար տերերի, աղջիկները նույնպես, իսկ նրանցից ոմանք Ստամբուլի և Բաքվի նկուղներում կզվարճացնեն հարուստ թուրքերին, ու մի մազաչափ անգամ չեն էլ խորշի ու չեն ամաչի դրանից, ընդհակառակը՝ կհպարտանան դրանով, քանի որ, այսպես կոչված, թեթև փողեր կաշխատեն:

Այդ աղջիկների ու տղաների ուղեղները լվանալու են, նրանք չեն իմանա, որ թագավորների ցեղից են սերում, որ իրենց նախնիները շատ ու շատ երկրների վերնախավն են եղել ժամանակին, որ ամբողջ աշխարհի արիստոկրատական դասը նրանցից է սերվել (ի դեպ սրա մասին այսօրվա սերունդը նույնպես չգիտի), այդ աղջիկներն ու տղաները չեն իմանա, թե ինչ բան է բարոյականությունը, գեղագիտությունը, բարձր արվեստը, գրականությունը, նորմալ երաժշտությունը և այդպես շարունակ, նրանք չեն հասկանա, թե որն է լավը և որը վատը, թե որն է առաջնայինը և որը երկրորդականը, այդ աղջիկների ու տղաների մեջ կներարկեն գռեհկություն, անամոթություն, ստորաքարշություն, տգիտություն և անասնական բնազդների վրա կառուցված սպառելու անհագուրդ մոլուցք, ու կհամոզեն նրանց, որ հենց դա է առաջադիմությունը և հենց դրա մեջ է ավելի մրցակցային ու ավելի հաջողակ լինելու գաղտնիքը, իսկ մնացածը հիմարություն է, որը պիտի արհամարվի և որպես հնոտիք մի կողմ նետվի:

Ահա մարդկային այս ստոր տեսակն է, որ պիտի ստեղծեն Արայիկ Հարությունյաններն ու հայ ազգի մնացած թշնամիները, որոնց կարգել են մեր գլխին որպես կառավարիչներ, հետևաբար բնական է, որ նրանք պատերազմ են հայտարարելու Խորենացիներին ու Նարեկացիներին, Ֆրիկներին ու Քուրակներին, Երզնկացիներին ու Սայաթ-Նովաներին:
Եթե կա որևէ մեկը, որը կարծում է, թե ես խտացնում եմ գույները և չափազանցնում եմ, ապա ասեմ, որ ինքը մոլորյալի մեկն է, որը չի հասկանում, թե ինչ է կատարվում իր շուրջը:

Թորոս Ալեքսանյանի ֆեյսբուքյան էջից