Ասուլիս՝ «Հայոց պատմություն» առարկայի ուսումնառության նոր հայեցակարգի վերաբերյալ. Տեսանյութ

Տեղի է ունենում ԳԱԱ Պատմության ինստիտուտի տնօրեն, ակադեմիկոս Աշոտ Մելքոնյանի, ԵՊՀ Հայոց պատմության ամբիոնի վարիչ Արտակ Մովսիսյանի մամուլի ասուլիսը: Բանախոսներն անդրադառնում են հանրակրթական դպրոցի «Հայոց պատմություն» առարկայի ուսումնառության նոր հայեցակարգին, չափորոշիչներին։

Հիշեցնենք, որ ըստ ԿԳՄՍ նոր հայեցակարգի «Հայ եկեղեցու պատմություն» առարկան ներառվում է «Հայոց պատմություն» առաջարկայի դասավանդման շրջանակում։ Հանրակրթական դպրոցի գրականության ուսումնառության հայեցակարգում ներառված չեն 5-րդ դարի հայ պատմագրությունը, առակագրությունը, նաեւ այնպիսի հեղինակներ, ինչպիսիք են Խորենացին, Մաշտոցը, Նարեկացին, Շնորհալին, Քուչակը, Սայաթ-Նովան, ինչը մանկավարժների շրջանում մեծ դժգոհությունների առիթ է տվել, ավելին` նրանցից շատերը մտավախություն ունեն, որ իրենց ձայնը չի լսվի, եւ ծրագիրն այդպես էլ կհաստատվի: Ուսուցիչներին վիրավորել է նաեւ այն հանգամանքը, որ «Հայ գրականություն» առարկան խմբագրվել եւ դարձել է «Գրականություն»` իր մեջ ներառելով նաեւ արտասահմանյան գրականություն եւ հայ ժամանակակից հեղինակների գործեր:

Մանրամասները՝ Tert.am-ի տեսանյութում