Համաշխարհային ոսկու գները շարունակում են կտրուկ աճել, որից փորձում են օգտվել բոլորը` բացի Հայաստանից

Այսօր համաշխարհային ոսկու գինը նոր ռեկորդային թռիչք է արձանագրել: Մեկ ունցիայի գինը այսօր տատանվում է արդեն 1850 դոլարի սահմանների մոտակայքում:

Միջազգային փորձագիտական շրջանակների կարծիքով`  ոսկու գնի բարձրացումն  պայմանավորված է համաշխարհային տնտեսության հեռանկարի անորոշությունով: Կորոնավարակի հետ կապված պանդեմիան հայտնի չէ, թե, երբ կարող է ավարտվել, որի արդյունքում գործարարներն գերադասում են իրենց ներդրումներն ժամանակավորապես պահավորել ոսկու մեջ: Գործարար աշխարհում ոսկին համարվում է, որ «հանգիստ հանգրվանի տեղ»,  երբ տնտեսական անորոշությունների և փոթորիկների ժամանակահատվածում գործարարները  գերադասում են իրենց պահուստներն պահավորեն ոսկու մեջ: Արդյունքում ոսկին պահանջված է դառնում,  այդ իսկ պատճառով էլ ոսկու համաշխարհային գներն բարձրանում են ինչին մենք ականատես ենք դառնում այսօր:

Ի դեպ վերջին ամիսներին շատ կառավարություններ մեծ քանակով ոսկի գնեցին միջազգային շուկայում,  և այսօր նրանք շահած են դուրս գալիս:

Հիշեցնենք, որ մինչ պանդեմիայն`  սույն թվականի մարտի կեսերին,  մեկ ոսկու ունցիան արժեր մոտ 1650 դոլարի սահմաններում: Այսինքն`  վերջին չորս ամիսների ընթացքում ոսկու գինը աճել է ավելի քան 11 տոկոսով:

Այս ժանակահատվածում  աշխարհով մեկ ընթանում է կատաղի պայքար նոր ոսկու հանքերի ի հայտ բերելու և շահագործման համար:

Սա պայմանավորված է նաև այն հանգամանքով, որ ըստ փորձագետների, մոտակա ժանակահատվածում ոսկու պահանջարկը ավելի բարձր է լինելու, քան առաջարկը և որի պատճառով էլ «դեղին» մետաղի գինը համաշխարհային շուկյում կայուն ձևով բարձրանալու է:

Իսկ ինչո՞վ ենք զբաղված մենք Հայաստանում, երբ ճգնաժամի պայմաններում հրաժարվում ենք օգտագործել նույնիսկ այն հնարավորություններն, որն առկա է մակերեսի վրա:

Մինչ այսօր այդպես էլ օդում կախված է մնացել Ամուլսարի հարցը որտեղ, ըստ փորձագետների,  ոսկու պաշարները գնահատվում են մինջև 5 մլրդ դոլարի չափ:

Ի՞նչ է Հայաստանն այդքան հարուստ է, որ շռայլորեն անտեսում է այս հարցը, երբ պարզ չէ, թե ինչ է մեզ սպասվելու մոտ ժամանակներս այս պանդեմիայի արդյունքում փլուզվող տնտեսական ենթակառուցվածքների արդյունքում:

Ակնհայտ է, որ երկիրը կանգնելու է լրջագույն տնտեսական և սոցիալական խնդիրների առաջ, որոնք իրենց հերթին լրջագույն անվտանգության խնդրի առաջացման հիմք են ձևավորելու:

Արտակ Հակոբյան