Մինսկի խմբի նախկին ամերիկացի համանախագահ՝ Մեթյու Բրայզան կոչ է արել դատապարտել Հայաստանին

Այն, որ սույն գործիչը՝ ԵԱՀԿ-ի Մինսկի խմբի ամերիկացի նախկին համանախագահ, Բաքվում Միացյալ Նահանգների նախկին դեսպան Մեթյու Բրայզան, վաղուց դարձել է Ադրբեջանի և Թուրքիայի շահերի ջատագովը, հայտնի է բոլորին: Պատճառն նույնպես  հայտնի է՝ ադրբեջանական նավթը, ավելի ճիշտ դրանից ստացած  եկամուտները:

Այն, որ այդ եկամուտների վրա են «նստած» շատ գործիչներ հայտնի է բոլորին:

Եվ ահա, բոլոր ճգնաժամային հայ-ադրբեջանական փուլերում սույն  գործիչը «հայտնվում է» ասպարեզ և սկսում է «տեսակետներ» հայտնել: Բացառություն չեղավ նաև այս վերջին լարվածության փուլը: Եվ ահա, Բրայզան հայտարարում է, որ «Հայաստանը պետք է դատապարտվեր միջնորդների կողմից», քանզի, ըստ նրա, «չի կարելի թիրախավորել զինված հակամարտության ընթացքում խաղաղ բնակչությունը»:

Ոչ ավելի, ոչ պակաս: Կարծես հակառակ կողմը Հայաստանի տարածքում ռմբակոծում էր, բացառապես ռազմական օբյեկտները:

Հետո Բրայզան խորհուրդ տվեց ադրբեջանցիներին չսկսել լայնամասշտաբ պատերազմական գործողություններ, քանզի, ըստ նրա  «Ադրբեջանը դրան դեռ պատրաստ չէ»: Իսկ հետո էլ նշեց, թե իբր միջնորդների ոչ վճռական պահվածքի պատճառով է, որ լինում են  նման միջադեպերը:

Ըստ էության, Բրայզան ոչ մի նորություն չասաց, պարզապես նրա մտքերը, շարադրության ձևը հուշում է, որ բոլոր հակառուսական քարոզչական ձևակերպումները պատրաստվում են «մեկ կենտրոնում»: Որից հետո, դա փոքր ինչ խմբագրված, տիրաժավորվում են տարբեր երկրներում, այդ թվում նաև Հայաստանում:

Իսկ այս վերջին հանգամանքը, հուշում է, որ այդ «միասնական կենտրոնի» լայնածավալ «աշխատանքները» իրենց  պտուղներն տվել են  նաև Հայաստանի տարածքում:

Ինչը ուղիղ սպառնալիք է մեր պետականության համար: Քանզի երկարաժամկետ կտրվածքով մեր այսօրվա ռազմավարական դաշնակիցը  ինքն իրեն էշի տեղ չի դնի, եթե հասկանա, որ այս իրավիճակը, ոչ թե ժամանակավոր երևույթ է, այլ մեր կողմից հաստատված խաղի կանոն:

Սա է իրականությունը:

Դավիթ Մկրտչյան