80 միլիոնանոց Թուրքիայի 20 մլն քուրդ բնակչության ներկայացուցիչներն հրաժարվեցին դատապարտել Հայաստանին

Երեկ Թուրքիայի խորհրդարանի 9 խմբակցությունից միայն չորսը, համատեղ հայտարարությունում  Հայաստանին դատապարտող  հայտարարությամբ հանդես եկան:

Ինչպես  հայտնի է Թուրքիայի խորհրդարանում ամենաշատ տեղերը պատկանում են Էրդողանի` Արդարության և զարգացման կուսակցությանը: Այդ ուժին է պատկանում 600 տեղից 290-ը:

Երկրորդ ուժը հիմնական ընդիմադիր Ժողովուրդա-հանրապետական կուսակցությունն է: Այս քեմալական կուսակցությանը պատկանում է 144 տեղ:

Երրորդը`  քրդամետ ժողովուրդների դեմոկրատական կուսակցությունն է, որին պատկանում է 65 տեղ:

Չորրորդ տեղը զբաղեցնում է այդ երկրի ազգայնական շարժմանը`  49 տեղով և վերջապես հինգերրորդ տեղում է գտնվում «Լավ» կուսակցությունը, 40 տեղով:

Մնացած հինգ կուսակցություններն էական ազդեցություն չեն թողնում երկրի քաղաքական դաշտի վրա, սակայն նույնպես ներկայացված են խորհրդարանում:

Էրդողանն  այսօր կոալիցիայի մեջ է գտնվում ազգայնական շարժման հետ և միասին 339 տեղով նրանք կարողացել են ձևավորել կոալիցիոն կառավարություն:

Էրդողանի հիմնական մրցակիցը  ժողովրդա-հանրապետական կուսակցությունն է, որն իր հերթին կոալիցիայի մեջ է «Լավ» կուսակցության հետ: Վերջինս ընդամենը 2017-ին է անջատվել ազգայնականներից, քանզի մերժեց ազգայնական շարժման դիրքորոշումը  պաշտպանելու Էրդողանի քայլերը սահմանադրության փոփոխման հարցում:

Ինչ վերաբերվում է քրդամետ կուսակցությանը, ապա այն միակն է, ով պաշտպանում է այդ երկրի բոլոր ազգային և կրոնական փոքրամասնությունների շահերը:

Ընդ որում ունենալավ պառլամենտի ընդամենը 10 տոկոսը  այդ ուժը փաստացի ներկայացնում է այդ երկրի բնակչության  մոտ 30 տոկոսի շահերը:

Վերջին հայ-ադրբեջանական բախումների ժամանակ Էրդողանն ամեն ինչ արեց, որ Հայաստանին դատապարտող հայտարարության տակ իրենց ստորագրությունը  դնեին  բոլոր 9 խմբակցության ներկայացուցիչներն:

Սակայն դա նրան չհաջողվեց, մեր երկրին դատապարտող հայտարարության տակ դրեցին միայն քեմալական կուսակցությունները և Էրդողանի  կուսակցությունն:

Ավելին`  քրդամետ ուժը մեկ անգամ չէ, որ հայտարարել է, որ Անկարայի քաղաքականությունն չպետք է լինի միակողմանի:

Իսկ այս ամենը նշանակում է, որ Թուրքիայի բնակչության մոտ 30 տոկոսը մեզ չի դիտարկում` որպես թշնամի, եթե չասենք ավելին:

Այնպես որ Սորոսի հիմնադրամն ոչ թե Հայաստանում, այլ Թուրքիայում մեծ աշխատանքների ճակատ ունի «աշխատելու» համար:

Սա է իրականությունն:

Արտակ Հակոբյան