«Հանրապետականն ու Սերժ Սարգսյանը դիմել են օտարերկրյա քաղտեխնոլոգների օգնությանը» (Տեսանյութ)

Zham.am-ի «Ամբիոն» տաղավարում տեղի ունեցավ քննարկում «Պոլիտիկա» կենտրոնի նախագահ Դերենիկ Մալխասյանի և Zham.am-ի հաղորդավար Բենիամին Մաթևոսյանի հետ: Բանախոսների ուշադրության կենտրոնում էր նախընտրական քարոզարշավը: Մալխասյանն ընդգծեց¸ որ իր տպավորությամբ Հանրապետականն ու Սերժ Սարգյանը դիմել են օտարերկրյա քաղտեխնոլոգների օգնությանը¸ որոնց խորհրդով էլ Հանրապետականը և Սերժ Սարգսյանը իրենց քարոզչության կենտրոնում պահում էին ռազմաքաղաքական կոմպոնենտը ՝ փորձելով ներկայացնել Սերժ Սարգսյանին որպես միակ հնարավոր թեկնածու¸ ով ապագայում կարող է զբաղեցնել Գերագույն գլխավոր հրամանատարի պաշտոնը¸ այն է՝ ՀՀ վարչապետ:

Մնացած քաղաքական ուժերի ներկայացուցիչներից միայն Սեյրան Օհանյանն է¸ ով կարող է հանրության կողմից ընկալվել որպես Գերագույն գլխավոր հրամանատարի հնարավոր թեկնածու:

Քննարկման ժամանակ անդրադարձ եղավ նաև մնացած քաղաքական ուժերի քարոզարշավին: Խոսք գնաց նաև Կարեն Կարապետյանի հնարավոր քաղաքական ապագայի մասին և ընդգծվեց¸ որ այսօրվա քաղաքական դասավորվածության պարագայում Կարապետյանը անգամ օրենսդրորեն հնարավորություն չունի զբաղեցնելու ՀՀ վարչապետի պաշտոնը 2018 թվականից հետո¸ քանի որ նա չի համապատասխանում օրենսդրական պահանջին¸ այն է՝ վերջին 4 տարիներին մշտական բնակություն չի ունեցել Հայաստանում:

Մանրասմները՝ Zham.am-ի տեսանյութում: