Մենք մեզ չպետք է հիմարի պես պահենք միջազգային հարթակում․ Պուտին

Ռուսաստանի նախագահ Վլադիմիր Պուտինը հայտարարել է, որ Ռուսաստանը պետք է այլ երկրների հետ հարգանքով և բացառապես քաղաքավարի երկխոսություն վարի, գրում է gazeta.ru կայքը՝ հղում տալով նախագահի՝ «Մոսկվա, Կրեմլ, Պուտին» ծրագրին տված հարցազրույցին։

«Չեմ կարծում, որ պաշտպանելով մեր շահերը՝ պետք է ունենանք ինչ-որ հիմարների, խելագարների տեսք, որոնց ձեռքին ածելի է հայտնվել և նրանք վազում են ու թափահարում այն՝ հետն էլ տարբեր անհասկանալի արտահայտություններ իրենց թույլ տալիս»,-նշել է Պուտինը։

Նա հավելել է, որ չնայած այս հանգամանքին՝ միջազգային տնտեսական հարթակում պետությունների միջև դիմակայությունը մինչև այժմ շարունակվում է, ուստի՝ Ռուսաստանը պետք է շարունակի մասնակցել դրանց։

Աղբյուրը՝ tert.am