Ինչո՞ւ է Նիկոլ Փաշինյանը «հանրահավաք» անցկացնում Արմեն Սարգսյանի դեմ

Ոչ մեկ չի էլ կասկածում, որ Արման Բաբաջանյանի այսօրվա «հանրահավաքը» ՀՀ նախագահի նստավայրի մոտ հրահանգված էր Նիկոլ Փաշինյանի կողմից: Այս «հանրահավաքում»  Նիկոլ Փաշինյանը Բաբաջանյանի շուրթերով իր «մտահոգությունն էր» հայտնում Արմնեն Սարգսյանի «պասիվ և կասկածելի դերակատարման առիթով»:

Մասնավորապես Նիկոլ Փաշինյանը պահանջում է Արմեն Սարգսյանից, որպեսզի վերջինս. «... ձեռնամուխ լինի Սահմանադրության 123-րդ հոդվածով իրեն վերապահված կարևորագույն գործառույթներին և շուտափույթ կերպով հայտարարի Սահմանադրական դատարանի թափուր տեղերի համար յուրաքանչյուր սահմանադրական մարմնի մեկական թեկնածուի առաջադրման գործընթացը և դրա վերաբերյալ խորհրդակցություններ սկսի մասնագիտական խմբերի, հասարակական կազմակերպությունների, առանձին մասնագետների հետ և դրանով էապես լիցքաթափի ներքաղաքական այս լարված իրավիճակը, որը մեր համոզմամբ մեծապես պայմանավորված է նաև Սահմանադրական դատարանի շուրջ առաջացած ճգնաժամով...»:

Փաշինյանի մոտ, սակայն Արմեն Սարգսյանի հանդեպ կասկածներ է առաջացել, ոչ այն պատճառով, որ ՀՀ գործող նախագահն իրեն պասիվ է պահում: Փաշինյանի մտավախությունն այն, որ Արմեն Սարգսյանի պահվածքի արդյունքում կասկածի ցեց է ընկել նաև իր ՝Փաշինյանի թիմում:

Մասնավորապես, ՍԴ-ի երեք դատավորների հարցը «լուծելուց» հետո, երբ Արմեն Սարգսյանը հետ վերադարձրեց սահմանադրության մեջ փոփոխությունների փաթեթը, ԱԺ նախագահ Արարատ Միրզոյանն պետք է , որ հինգ օրվա ընթացքում ստորագրեր այդ փաթեթը: Մանավանդ, որ Փաշինյանն իր գրպանային պատգամավորներից մեկի շուրթերով սեփական թերթում ակնարկել էր դրա մասին:

Սակայն Միրզոյանն որոշեց չշտապել և իր այդ քայլով նյարդայնացրեց Փաշինյանին:

Վերջինս հասկացել է, որ իր թիմում խլրտոց է սկսվել, որն ոչ մի լավ բան իրեն չի խոստանում:

Այդ իսկ պատճառով նա Բաբաջանյանին ուղարկում է  Արմեն Սարգսյանի դռան մոտ «հանրահավաքի», որպեսզի վերջինս այլևս «պասիվ և կասկածելի պահվածք» չդրսևորի, քանզի դրա արդյունքում սկսում է «պասիվանալ» նաև Արարատ Միրզոյանը:

Չի բացառվում, որ իրավիճակն այնքան լարվի, որ  Բաբաջանյանն մի «հանրահավաք» էլ անցկացնի ԱԺ նախագահ Արարատ Միրզոյանի կաբինետի մոտ:

Հասկանալի է, որ այս քայլերը Փաշինյանն կատարում է ոչ իր լավ վիճակից ելնելով: Մյուս կողմից նրա թիմակիցների մի մասը իր նման չի ուզում հայտնվել դեպի քաղաքական «գերեզմանոց» տանող ճանապարհին` քաջ գիտակցելով, որ այս իշխանության պետենցիալն արդեն ավարտվել է:

Սա է իրականությունը:

Արտակ Հակոբյան