Ո՞վ է պատասխանատու «ժողովրդի անպատասխանատվության» համար

Կորոնավիրուսը շարունակում է մնալ մեր հասարակության քննարկման հիմնական թեման: Այսօր ես հանդիպեցի տաղանդավոր լուսանկարիչ Սամվել Սևադայի գրած մի փոքրիկ հոդվածի: Լուսանկարիչն իր զարմանքն է հայտնել այն փաստի վերաբերյալ, որ կորոնավիրուսի հետ կապված իրավիճակը շարունակում է լարված մնալ, և մարդիկ շարունակում են ապրել այնպես, կարծես ոչ մի բան չի պատահել:  Սևադան հետաքրքրվում է, թե ինչպես է դա հնարավոր, և իրո՞ք մենք  այսքան անպատասխանատու ժողովուրդ ենք: Մի կողմից դուք կարող եք հասկանալ լուսանկարչին. տարօրինակ է, որ մարդիկ այդքան անհոգ են այս խնդրից, բայց արդյո՞ք միայն մարդիկ են, որ մեղավոր են դրա համար:

Միգուցե արժեր գոնե կողքներս նայել ու տեսնել, որ, օրինակ, Վրաստանում և Ռուսաստանում լուրջ աշխատանքներ են տարվում բնակչության հետ հեռուստատեսային եթերներից, ռադիոկայաններից, էլեկտրոնային լրատվամիջոցների էջերից  մտավորականությունը, արվեստի ներկայացուցիչները, տարբեր բժշկական փորձագետները  բացատրում էին մարդկանց իրավիճակի ամբողջ  վտանգը, և միևնույն ժամանակ իրավիճակի գոնե նվազագույն պայմաններ են ստեղծվել, որպեսզի նվազագույնի հասցվի մարդկանց տնից դուրս գալը: Նույն Վրաստանում քաղաքացիներին տրվել է «վարկային արձակուրդներ», վճարվել կոմունալ ծառայությունների համար և այլն:

Մեզ մոտ ոչ միայն չապահովեցին անհրաժեշտ նվազագույն սոցիալական պայմանները մարդկանց տանը պահելու համար, այլ միևնույն ժամանակ մենք չիրականացրեցինք անհրաժեշտ հանրային իրազեկումը և չապահովեցինք հասարակության տարբեր ոլորտների ներկայացուցիչների ներգրավվածությունը համաճարակի դեմ պայքարի համար պատշաճ վարքագիծը ձևավորելու համար:

Նաև դատելով նորություններից՝ երկրի գլխավոր համաճարակաբանը վարչապետն է, ով  գործադիր և օրենսդիր իշխանությունների հետո, այժմ «մոնոպոլիզացրել»  է համաճարակի դեմ պայքարը:  Մարդիկ հոգնել են վարչապետից, ով «հեռարձակում է ամեն հարթուկից»։

Լավ կլինի, որ Սավմել Սևադան և ցանկացած այլ անձ, ով կզարմանա «ժողովրդի անպատասխանատվությունից» նախ եւ առաջ հարց  տա․ արդյո՞ք երկրի իշխող վերնախավն արեց ամեն ինչ, որպեսզի ժողովուրդը լուրջ ընդունի համաճարակը։ Բավարար քայլեր ձեռնարկվել են  ապահովելու համար, որ   սոցիալապես անապահով մարդիկ ստիպված չլինեն դուրս գալ փողոց «օրվա հաց» որոնելու համար, դրանով իսկ իրենց առողջությունը վտանգի տակ դնելով: Բավարար քայլեր ձեռնարկվել են, մարդկանց բացատրելու  կորոնավիրուսի ամբողջ վտանգը, և դրանով իսկ մարդկանց ստիպելո նվազագույնի հասցնել սոցիալական շփումները:

Այլ կերպ ասած`  պատասխանատվությունը մի տեղափոխեք այլոց վրա:

Սևակ Դանիելյան