Ինչու՞ է «Գելափ»-ի Արմանին անհրաժեշտ դարձավ Փաշինյանի վարկանիշի իբրև 85 տոկոսանոց սուտը

Ինչպես հայտնի է,  «GALLUP International association»-ի խմբում գործող Փի Ջի ՍՊԸ տնօրեն Արման Նավասարդյանը վերջին տարիներին սոցհարցումներ անցկացնելիս միշտ գործող իշխանություններին տվել է աներևակայելի մեծ վարկանիշ:

Արմանի այս գործելաոճը ինձ հիշեցնում էր Հակոբ Պարոնյանի «Մեծապատիվ մուրացկանների» հերոսին, ով պատրաստ էր գովերգել բոլորին, միայն թե դրա դիմաց ստանար «վարձատրություն»:

Բայց ամեն ինչ ունի նաև բարոյական սահմաններ: Երբ նա 2018-ի ապրիլին այն ժամանակվա վարչապետի թեքնածու Սերժ Սարգսյանին  նվիրեց մոտ 80 տոկոսի չափերի հասնող վարկանիշ, ընդամենը մի քանի օր անց բոլորի համար պարզ դարձավ,նրա «վարկանիշային նվերների» իրական արժեքը:

Սակայն բանից պարզվում է, Արմանն այս ամենից հետո ոչ միայն չի հուսահատվել, այլև ի դեմս ներկա իշխանությունների նոր «պատվիրատու է» գտել: Այսպես  պարզվում է, որ այս վերջին երկու տարիների ընթացքում, ըստ Արմանի հարցումների, Նիկոլ Փաշինյանի վարկանիշը գրեթե չի փոփոխվել: Եվ դա այն դեպքում, երբ նույնիսկ իշխանությունն է խոստովանում, որ իրավիճակն փոփոխվել է. Փաշինյանն իհարկե այս հեքիաթին չի հավատում :

Այն, որ Արմանից այլ բան սպասել հնարավոր չէր, պարզ է: Այն, որ նա  ամոթ չունի  2018-ից հետո չերևավալու համար հանրության առջև,  հասկանալի է: Շարքային ցեխավիկից չի կարելի ակնկալել այլ վարքագիծ:

Սակայն այստեղ է, որ հարց է առաջանում, իսկ իշխանության համար, ինչո՞ւ էր անհրաժեշտ նման ծիծաղելի  հարցման թվերը: Չէ որ նույնիսկ իշխանության կողմնակիցների զգալի մասը նույնպես չի հավատա այս թվերին:

Կարծում ենք, որ հաշվարկն պարզ է: Փաշինյանի  և նրա թիմակիցների համար անչափ կարևոր է, որպեսզի նրանց «պողոսական» հատվածն չհուսահատվի: Հենց  վերջիններիս համար էին այս «թվերը», որպեսզի նրանք կարողանային վստահ լինել իրենց կուռքերի մեջ, քանզի կորոնավարակը, Ծառուկյանի հարցը, Վանեցյանի և ՀՅԴ-ի համատեղ գործողությունները  համեմված որոշ աշխարհաքաղաքական խնդիրներով կարող էին «պողոսներին» խուճապի մեջ գցել:

Հենց դրա համար էլ  անչափ կարևոր դարձավ Արմանին «հիշելը» :

Սա է իրականությունը:

Դավիթ Մկրտչյան