Ալիևը շնորհավորում է Պուտինին նոր Սահմանադրության ընդունման առիթով, իսկ Փաշինյանն պատասխանում է Նավալնիով. Տեսանյութ

Երեկ`  հուլիսի 1-ին ավարտվեց Ռուսաստանում անցկացված սահմանադրական փոփոխությունների հանրաքվե: Ինչպես հայտնի է, պանդեմիայի պատճառով հանրաքվեն տևեց ոչ թե մեկ, այլ մի քանի օր, որպեսզի մարդկանց մեծ կուտակումներ չգրանցվեին:

Ինչպես հայտնի է այս հանրաքվեն հատկապես մեծ նշանակություն ուներ անձամբ Պուտինի քաղաքական հետագա ճակատագրի համար, քանզի 2024 թվականին ավարտվում էր նրա նախագահական կառավարման վերջին փուլն, որից հետո նա չէր կարողանալու կրկին առաջադրվել: Եվ ահա այս հանրաքվեն անհրաժեշտ էր Պուտինի համար, որպեսզի նա կարողանար հաղթահարեր այդ պատնեշը: Այս նոր հանրաքվեում ընդունված սահմանադրական փոփոխություններով Պուտինն կկարողանա վերընտրվել 2024-ից հետո նույնպես:

Այս առիթով նրան շնորհավորում են ԵԱՏՄ-ի և ԱՊՀ երկրների մի շարք ղեկավարներ, այդ թվում նաև Ադրբեջանի նախագահ Իլհամ Ալիևը:

Մինչդեռ հայկական կողմը որոշել է մի քանի «շնորհավորանք» ուղարկել Պուտինին: Առաջինն եղավ ռուսական հեռուստատեսությունների հեռարձակման սահմանափակումը, իսկ երկրորդն Հանրային կոչվող հեռուստաընկերությունով ցուցադրված ռեպորտաժը, որտեղ մանրամասն ներկայացվում էր ռուսական քաղաքական դաշտի ամենա արմատական գործիչ Ալեքսեյ Նավալնիի տեսակետը` անցած հանրաքվեի վերաբերյալ:

Հաշվի առնելով այն, թե ինչպես է վերաբերվում Պուտինը Նավալնին, կարելի է կռահել, թե ինչու Փաշինյանն որոշեց գնալ այդ քայլին:

Ըստ էության` Փաշինյանի վարչակազմն որոշել է արմատապես փոխել երկրի արտաքին քաղաքական ուղին`Հայաստանն դարձնելով աշխարաքաղաքական պայքարի թատերաբեմ:

Թե ինչո՞ւ Փաշինյանն այս պահին է որոշել գնալ այս քայլին, և ինչ վտանգներ է սպասվելու մեզ արցախյան ուղիով, առանձին վերլուծության խնդիր է: Պարզ է մեկ բան, որ Փաշինյանի այս որոշումը մեկ օրում չէր կայացվել: Այն նախապատրաստվել  էր երկար ժամանակահատվածում, իսկ այս գործընթացի ողբերգական պտուղներն հայ ժողովուրդին տեսանելի է դառնալու ոչ հեռու ապագայում:

Սա է իրականությունը:

Դավիթ Մկրտչյան