Ռոբը քո շեֆի կողմից թալանված տնտեսությունն վեց անգամ մեծացրել է, իսկ դուք կրկին ուզու՞մ եք մեր ժողովուրդին հնին վերադարձնեք

Իրեն մտավորական համարող հրատարակիչ Արմեն Մարտիրոսյանը ժողովրդին առաջարկում է համակերպվել գույքահարկի բարձրացման հետ հետևյալ հիմնավորմամբ. «...Տասնամյակներ մեզ խաբել են, չեն էլ հարցրել, ու թքած են ունեցել կլինի օրինական թե անօրինական, փողերը աշխարհից վերցրել են ու կերել ու հավաքել 7 միլիարդ դոլար պարտք։ Ու այդ ամենի տակից մենք ենք դուրս գալու։ Ոչ թե Նիկոլը կամ Ալիսը, կամ Հովսեփը, այլ մենք բոլորս իրար հետ։ Մեզ դրել են փաստի առաջ։ Արդեն կերել են այդ փողը։ Սեփականացրել են այն ամենը ինչ կա Հայաստանում։ Եվ կուլ ենք տվել։ Մինչև հիմա անգամ մարսել են։

Հիմա Կառավարությունը ասում է, թե ոնց կարելի է օրինական ճանապարհով այս վիճակից դուրս գալ։ Ասում ենք՝ թանկ է, չենք ուզում գույքահարկ վճարել, դա հետամնացություն է, չենք ուզում շատ վճարել։

Բա ով վճարի, եթե ոչ մենք։

Մենք ենք պատասխանատուները, որ սենց է եղել։ Մենք։ Եվ ես, և դու, եվ պատգամավորը, և Նիկոլը, և Մարուս տոտան։ Մեղավոր ենք, քանի որ թույլ ենք տվել որ Ռոբը մեզ զավթի կեղծ սպռավկայով, թույլ ենք տվել որ բնիկներից ոմանք պառկեն տակը ու կենացներ ենք ասել, ու թույլ ենք տվել որ չընտրություններ լինեն, թույլ ենք տվել որ Մարտի Մեկ լինի, թույլ ենք տվել ունեզրկումներ, թույլ ենք տվել անԱրդարադատություն։ Ու այդ մեղքի պատասխանը պետք է տանք էլի մենք։

Մեր գրպանով ու մեր կյանքով։ Կամ կվճարենք մեզ, կամ կվճարենք ուրիշին։ Ընտրեք։»։

Իրեն բնորոշ կեղծ պաթոսով ավարտում է իր ճիչը սույն հրատարակիչը:

Նախ սկսենք նրանից, որ այս անձնավորությունն իր շեֆերի նման սուտ է տարածում, քանզի Ռոբերտ Քոչարյանը իր կառավարման ավարտին Հայաստանի պարտքը 7 մլրդ –ով չի հանձնել: Եթե պարոն Մարտիրոսյանը չզլանար և ուսումնասիրեր թվերը, ապա կտեսներ, որ 2008-ին Հայաստանի պարտքը կազմում էր 1,9 մլրդ դոլար: Սակայն սույն խաբեբայի համար սուտ խոսելը բնական երևույթ է և չարժե զարմանալ դրա համար: Սակայն հաշվի առնելով, թե ով է և ինչ է խոսում, ապա հիշեցնենք իրեն, որ իր շեֆի՝ Տեր-Պետրոսյանի կառավարման արդյունքում Հայաստանի ողջ խորհրդային տնտեսությունը հիմնովին թալանվեց երկրի իրական ՀՆԱ-ն կրճատվեց մոտ 15 անգամ և 1998-ին, Հայաստանի ՀՆԱ-ն կազմում էր ընդամենը  1,9 մլրդ դոլարի չափ: Քոչարյանի կառավարման 10 տարվա ընթացքում այդ ցուցանիշը մեծացավ 6 անգամ` հասավ 11,6 մլրդ դոլարի չափ: Այդ ժամանակահատվածում մարդկանց տների ու բնակարանների գները նույնպես աճեցին մոտ 6-ից 7 անգամ: Մարդկանց կենսամակարդակը մեկ շնչի հաշվով նույնպես ավելացավ մոտ 6 անգամ: Երկրի բյուջեի չափը 300 մլն-ից ավելացավ մոտ 8 անգամ: Այս թվերից հետո Արմեն Մարտիրոսյանը պիտի ամոթից գետինը մտներ, այլ ոչ թե վայրահաչար, քանզի նրա նմանների պատճառով էր, որ 90-ականներին երկրից արտագաղտեց ավելի քան 600 հազար մարդ, երկրի տնտեսությունը գտնվում էր փլատակների տակ, այդ ընթացքում հիմնադրվեցին ընտրակեղծարարության հիմքերը և վերջապես այդ ժամանակ հնչեց այն միտքն, որ փաստացի թալանվածը մարսելու համար, որպեսզի քաղաքացի Սերգոն նաև կարողանա «լավ ապրի» պիտի փուլ առ փուլ հանձնել Արցախը:

Այս ամենից հետո, եթե քաղաքացի Մարտիրոսյանը դեռ կարող է կարծիք հայտնել, ապա դրա համար իրոք մեղավոր է նաև Ռոբերտ Քոչարյանը: Այդպիսի  մարտիրոսյաններն, օրինակ, Ադրբեջանում նույնիսկ չէին կարող հանգիստ ապրել, էլ մնաց նաև կարողանային կարծիքներով հանդես գային:

Եթե չարը չի պատժվում, ապա նա իրավունք է ստանում կրկին հանդես գալ իր մտադրություններով և այդ առումով նախկին իշխանությունների մեղքը անչափ մեծ է: Մարտիրոսյանների  նմաններն բացի ոչխար պահելուց, այլ բան չպետք է թույլ տրվեր, մինչդեռ նրանց հետ տարատեսակ սիլիբիլիներով էին զբաղված և դրա պատճառով էլ մենք հայտնվել ենք այսպիսի վիճակում:

Սա է իրականությունը:

Դավիթ Մկրտչյան