Փաշինյանը պատրաստվում է ՍԴ-ի օրինակով արգելե՞լ երկրում ազատ խոսքն ու քաղաքական կուսակցությունները

ՀՀ վարչապետ Նիկոլ Փաշինյանի այսօրվա խոսքն ԱԺ-ում կարելի է իրոք սենսացիոն համարել: Նա անրադարձավ շատ խնդիրների, սակայն կարծում ենք, որ նրա գլխավոր մեսիջներից էր այն, որ նա պատրաստվում է  ՍԴ-ի օրինակով երկրում փորձ կատարել վերացնել ազատ խոսքն ու քաղաքական կուսակցություններին:

Եթե ոմանց համար այս միտքն ծայրահեղ է թվում, բերենք նրա խոսքերը հետևյալի մասին:

Մասնավորապես, խոսելով կորոնավիրուսի դեմ պայքարի ձախողման մասին, նա հայտարարեց բառացիորեն հետևյալը.«...պանդեմիայի ընթացքում, երբ երկրում հաստատվեց արտակարգ դրություն և սահմանափակվեցին խոսքի ազատությունն, շատերը թե ներսից, և թե դրսից մեղադրեցին, թե դրանով սահմանափակվում են մարդկանց ազատությունները... Բայց պարզվեց, որ այդ ազատություններն նպաստեցին, որ կորոնավիրուսը երկրում էլ ավելի մեծ թափով տարածում ստանա... Եւ դա մեր սխալն էր...»:

Իր այդ թեզից հետո Փաշինյանն փաստացի մեղադրեց ընդիմությանը, թե իբր նրանք են գլխավոր մեղավորները՝ վարաքի տարածման համար, և նրանց գործնեությունն այդ մասով ուղված է երկրի և ժողովուրդի առողջության դեմ:

Այսպիսի մտքեր վերջին 30 տարիների ընթացքում չէր լսվել ոչ միայն Հայաստանում, այլև  Ռուսաստանում, Վրաստանում, Ուկրայինայում, Մոլդովայում, Ադրբեջանում և նույնիսկ Բելառուսում:

Միջինասիական երկրները չհաշված, նման միջնադարյան պատկերացումներ չէր լսվել  ԱՊՀ  տարածքի որևէ երկրի ղեկավարի կողմից:

Սա արդեն անչափ լուրջ է, որ հնարավոր լիներ անտեսվեր, թե ինչ է ասվում 21–րդ դարում երկրի ղեկավարի կողմից:

Այն, որ Փաշինյանն անձամբ է մեղավոր երկրում կորոնավարաքի տարածման համար, անհերքելի փաստ է: Նա իր  տխրահռչակ հանրաքվեի համար ուշացրեց վարաքի դեմ պայքարը, որի արդյունքում երկիրն հայտնվեց հումանիտար աղետի մեջ: Սակայն փոխանակ ներեղություն խնդրեր դրա համար, փոխանակ կողքից խորհուրդներ ընդուներ, նա մերժեց բոլորի առաջարկները, իսկ այսօր ցինիկաբար այս վարաքի մեղքը ուզում է գցել  իր ընդիմախոսների վրա:

Անցյալ դարի 30-ական  թվականներից հետո Հիտլերին և Գեբելսին հավասար գործիչներ  չէին  ծնվել, որ  կրկին զարմացնեին մարդկությանը:  Հերիք է Փաշինյանի այսօրվա ելույթը  թարգմանվի և ներկայացվի դրսում,  և բոլորի համար պարզ կդառնա, թե ինչ տեսակի մարդ է այսօր կառավարում Հայաստանը:

Սակայն սա ոչ միայն իր, այլև մեր ժողովուրդի խայտառակությունն է, քանզի նման մտքերով հանդես եկող մարդուն ոչ միայն երկիր, այլև կուսակցություն ղեկավարել չէր կարելի թույլ տալ:

Սա է իրականությունը:

Դավիթ Մկրտչյան