Եթե Փաշինյանն այցելեր Մոսկվա, կարող էր հայտնվել Ղրղզստանի նախագահի օրը

Ինչպես հայտնի է`  Մոսկվա այցելած հյուրերից որոնք պետք է մասնակցեին զինվորական շքերթին միայն ներկայիս Ղրղզստանի նախագահ՝ Սորոնբայ Ժեենբեկովի թույլ չտվեցին մասնակցել արտասահմանյան հյուրերի կազմում շքերթին: Պաշտոնական պատճառն այն էր, որ Ղրղզստանի պատվիրակության անդամների կազմում կորոնավիրուսակիրներ էին հայտնաբերվել, և, որի պատճառով էլ այդ երկրի նախագահն չէր կարողացել մասնակցել ընդհանուր հյուրերի պատվիրակության կազմում շքերթին:

Սակայն մոսկովյան  վերլուծաբանների պնդմամբ,  Ժեենբեկովին մերժեցին շքերթին մասնակցել ոչ այնքան կորոնավիրուսի հայտնաբերման պատճառով այդ երկրի պատվիրակության կազմում, որքան նրա համար, որ իր մոսկովյան այցից երկու օր առաջ Ղրղզստանի դատարանը 11 տարով դատապարտեց  այդ երկրի նախկին նախագահ Ալմազբեկ Ատամբաևին:

Հիշեցնենք, որ սա առաջին դատական որոշումն էր, որով ԱՊՀ տարածքում  դատապարտման  էր ենթարկվում երկրի նախկին նախագահն:

Պետք է նշել, որ նման պրակտիկան շատ քիչ է կիրառվում նաև արևմտյան երկրներում: Ճիշտ է այնտեղ գործում են ավելի քաղաքակիրթ խաղի կանոններ, սակայն սկզբունքն մնում է անփոփոխ:

Եվ ահա Ղրղզստանը այս իմաստով նոր խաղի կանոն մտցրեց, որը հաստատ  չի ողջունվելու  մյուս ԱՊՀ երկրների  ղեկավարների կողմից: Ընդ որում այստեղ աշխարհաքաղաքական գործոնը կամ չնչին դեր է կատարում, կամ էլ ընդանրապես գոյություն չունի:

Այդ տեսանկյունից ներկայիս Ղրղզստանի նախագահն դեղին քարտ ստացավ Մոսկվայից, իսկ ամիսներ անց նման դեղին քարտ ստացել էր Ղազախստանի կողմից: Իսկ, թե ինչպես այն կազդի Ժեննբեկովի հետագա ճակատագրի վրա այսօր դժվար է գուշակել, միայն հիշեցնենք, որ համաձայն Ղրղզստանի սահմանադրության հաջորդ նախագահն պետք է ընտրվի այդ երկրի հյուսիսային շրջանակների ներկայացուցիչը և այդ երկրի հարավային մասը ներկայացնող Ժեենբեկովն  այլևս  իրավունք չունի վերընտրվել:

Ամենայն հավանականությամբ Ժեենբեկովի ճակատագրին էր արժանանալու նաև Նիկոլ Փաշինյանն, եթե որոշեր մեկներ Մոսկվա: Վերջինս, սակայն տեղեկանալով այդ մասին, հրաժարվեց իր այցից, որպեսզի չարժանանա այն նվաստացմանը ինչին արժանացավ  ներկայիս Ղրզստանի նախագահն:

Արտակ Հակոբյան