Նիկոլ Փաշինյանը ձևավորում է միահեծան իշխանություն, կանգ չի առնում ոչնչի առջև, քարուքանդ է անում պետության իրավական անվտանգության հիմքերը. Արթուր Վանեցյան

Մեր հայրենիքը տնտեսական, քաղաքական և առողջապահական արհավիրքի մեջ է, որի մեղավորը այսօրվա իշխանությունն է: Այս մասին Գավառում «Հայրենիք» կուսակցության մարզային գրասենյակի բացման արարողության ժամանակ հայտարարեց Արթուր Վանեցյանը։

«Բայց միայն քննադատելով մեր խնդիրները չեն լուծվելու։ Մենք պետք է ձևակերպենք պետության զարգացման մեր պատկերացումները, որի հիմքում են անվտանգությունը, զարգացող տնտեսությունը, մեր գիտությունը, կրթությունն ու մշակույթը», - նշեց Արթուր Վանեցյանը։

Անդրադառնալով երկրում ծավալված վերջին իրադարձություններին` «Հայրենիք» կուսակցության նախագահը նշեց, որ Հայաստանում հաստատվում է բռնապետություն։ Նիկոլ Փաշինյանը ձևավորում է միահեծան իշխանություն, կանգ չի առնում ոչնչի առջև, քարուքանդ է անում պետության իրավական անվտանգության հիմքերը, բարոյալքում է մեր հասարակությունը։ Նման գործելաոճին օր առաջ պետք է վերջ տրվի։ Դրա համար պետք է համազգային համախմբում, կարող ուժերի կոնսոլիդացիա։

Ամփոփելով հանդիպման արդյունքները` Ա. Վանեցյանը նշեց, որ «Հայրենիքը» պատրաստ է պայքարի, պատրաստ է համախմբման և հաղթանակի։