Մենք վերապահումներ ունենք դատարանի որոշման առումով. Ռոբերտ Քոչարյանի պաշտպան. Տեսանյութ

Մենք վերապահումներ ունենք դատարանի որոշման առումով, որովհետեւ մեր համոզմամբ որեւէ խափանման միջոցի անհրաժեշտություն չի եղել, այդուհանդերձ դատարանն արձանագրեց, որ հնարավոր էպարոն Քոչարյանը գտնվի ազատության մեջ, ինչը մեկ քայլ առաջ է այս պրոցեսում: Այս մասին, այսօր՝ հունիսի 19-ին, լրագրողների հետ զրույցում նշեց Ռոբերտ Քոչարյանի պաշտպաններից Հովհանես Խուդոյանը՝ անդրադառնալով վերաքննիչ դատարանի որոշմանը, որը Քոչարյանի խանփամնա միջոց կալանքը փոխարինել էր 2 մլրդ դրամ գրավով:

Նա տեղեկացրեց, որ որոշումը դեռ իրենք չեն ստացել, կստանան 3 օրվա ընթացքում:

«Դատական ակտը ուժի մեջ է եւ գրամվը վճարելու դեպքում՝ պարոն Քոչարյանը կլինի ազատության մեջ, բայց դա չի սահմանափակում այդ դատական ակտը բողոքարկելու իրավունքը»,-ընդգծեց պաշտպանը: Խուդոյանն ընդգծեց, որ դեռեւս մեկ տարի առաջ դատարանների կողմից, այդ թվում Աննա Դանիբեկյանի եւ Արսեն Նիկողոսյանի կողմից ճանաչվել է Քոչարյանի գույքի վրա դրված կալանքն ապօրինի է. «Ցավոք դատավարական ընթացակարգերի անկատարությունը թույլ չի տվել անհապաղ վերացնել այդ խախտումը եւ արդեն մեկ տարի նրա իրավունքները սահմանափակված են: Դա պետք է վերացնի դատավոր Աննա Դանիբեկյանը: Նույնը վերաբերում է նաեւ նրա ընտանիքի անդամներին»,-ասաց նա:

Պաշտպանը չբացառեց, որ արդեն այսօր կվճարգի 2 մլևրդ դրամի գրավը: