Մեզնից էլ ժողովուրդը հեսա կզզվի, եթե դրանց նմանների գլուխը չկոխենք այնտեղ, որտեղ պետք է կոխել. «Իմ քայլի» պատգամավոր. Տեսանյութ
Մեզնից էլ ժողովուրդը հեսա կզզվի, եթե դրանց նմանների գլուխը չկոխենք այնտեղ, որտեղ պետք է կոխել։ Այս մասին այսօր՝ հունիսի 15–ին, ԱԺ–ում լրագրողների հետ ճեպազրույցում ասաց «Իմ քայլը» խմբակցության պատգամավոր Արթուր Մանուկյանը՝ անդրառանալով ԲՀԿ ղեկավար Գագիկ Ծառուկյանի դեմ քրեական գործերին։
«Ժողովուրդը զզվել է ընտրակաշառքից, զզվել է հարկեր չմուծողներից, զզվել է երեխու բերանից կտրողներից, զզվել է այն մարդկանցից, որ գյուղը թալանում են հետո մի հատ կով են մորթում, խաշի են կանչում գյուղացիներին եւ գյուղացիներին թվում է, թե նա բարերար է։ Արդեն 2 տարի է ժողովուրդը մեզնից պահանջում է, որ գողերի թալանչիների գլուխները կոխենք ծակերը եւ եթե մենք չանենք, ժողովուրդն է անելու։ Իրենք պետք է առավոտից իրիկուն աղոթեն, որ մենք դա անենք, թե չէ դա ժողովուրդը կանի»,– ասաց նա։
Լրագրողի այւն դիտարկմանը, որ ժողովուրդը նրանց քվե է տվել, պատգամավորը պատասխանեց. «Հազար անգամ ասել եմ, այդ ժողովուրդը սխալվել է, նորից կրկնում եմ, այն ժողովուրդը, որ ձայնը տալիս են ընտրակաշառքով, նրանք սխալվում են, նրանք ճիշտ ճանապարհ չեն ընտրել, չի կարելի կաշառքով ընտրակաշառողներին ուղարկել Ազգային ժողով, իշխանություն եւ այլն»։
Անդրադառնալով Գագիկ Ծառուկյանի երեկ արած հայտարարությանը՝ «անբարոյականի տղա լինեմ, թե հետ կանգնեմ», պատգամավորն ասաց. «Ուզում եք, որ այդ արտահայտությանը վերաբերոմւնք եւ պատասխան տա՞մ, ինքն ում տղան ուզում է լինի, դա իմ գործը չի, ես դրան չեմ կարող անդրադառնալ, դա իմ մակարդակը չի»։
Հարցին, թե ի՞նչ է սպասվում Գագիկ Ծառուկյանին, Մանուկյանը պատասխանեց կարճ. «Երջանիկ ծերություն, ես շատ իմանամ ինչ է սպասվում»։
Հետևեք մեզ Facebook-ում