Առանց ակտիվ քարոզարշավի չես կարող կոտրել վախի մթնոլորտը (Տեսանյութ)
Իրեն ընդդիմադիր համարող գործիչներից մեկը հարցազրույց տալով Պետրոս Ղազարյանին նշել էր, որ իրենք շատ պարագաներում խուսափում են դասական նախընտրական հանդիպումներից որովհետև իրենք իբր չեն ուզում վախի մթնոլորտի ձևավորմանն աջակցել: Շարունակելով այդ մարդու ասածը կարող եմ ասել, որ հավանաբար հենց այդ պատճառով են իրենք Կարլսոնի պես կռիշներն ընկել ու մեկ էլ հեծանիվներով սաղ քաղաքում ֆրֆրում են:
Իհարկե, իրականությունը մի փոքր այլ է. Սերժ Սարգսյանն այդ «ընդդիմադիրներին» խոսք է տվել 10 % նոր ԱԺ-ում, դրա համար մարդիկ իրենց չեն ծանրաբեռնում նորմալ քարոզարշավ անեն (իմիջիայլոց, ՀԱԿ-ը նույն ճանապարհով է գնում), և ասում են, թե իբր չեն ուզում «վախի մթնոլորտ սերմանել»: Սակայն իրականությունը կայանում է նրանում, որ ակտիվ քարոզչական հանդիպումները, անկեղծ շփումները մարդկանց հետ նպաստում է նրան, որ վախի մթնոլորտը կոտրվի:
Առանց ակտիվ քարոզարշավի, առանց մարդկանց հետ մասսայական հանդիպումների չես կարող կոտրել վախի, սարսափի և ապատիայի մթնոլորտը: Ուժեր կան որոնք գնում են նշված ճանապարհով, և ժողովուրդն իրենց գրկաբաց է ընդունում, իսկ կան նրանք ովքեր հույսները դրել են Սերժի «դաբրոյի» վրա:
Առաքել Դավթյանի ֆեյսբուքյան էջից
Հետևեք մեզ Facebook-ում