Մեկը կա՞ բացատրի Փաշինյանին, որ վեց օրում վիրուսից հնարավոր չէ առողջանալ

Վերաշարադրելով դասականի միտքը կարող ենք ասել, որ «կա սուտ, կա ահավոր սուտ և կա Փաշինյանի պարզաբանումները»: Դատեք ինքներդ, հունիսի 1-ին Փաշինյանը հայտարարեց, որ ինքն ու իր ընտանիքի բոլոր անդամները վարակված են կորոնավիրուսով: Նույնիսկ նշեց, թե ով է իրեն վարակել: Հետո պարզվեց, որ նա և իր ընտանիքի բոլոր անդամները սիմպտոմներ չունեցող ձևով են վարակված: Այսինքն` նրանց վրա այս վարակը ծանր չի «նստել»: Մի քանի օր անց Վանեցյանը հայտարարեց, որ «երկրում պետք են արմատական փոփոխություններ», որից հետո Ծառուկյանը հայտարարեց, որ «կառավարության ոչ թե 97, այլ 100 տոկոս կազմը պիտի փոխվի»: Այս ամենից հետո, այսինքն, ընդամենը 6 օր անց Փաշինյանն հայտարարեց, որ «ինքն և իր ընտանիքի անդամները լիովին առողջացել են` ձեռք բերելով  covid 2019-ից իմունիտետ»:

Քաղաքական վերլուծաբանները սկսեցին կատակել, որ Փաշինյանի վարակի բուժման հարցում վաքցինայի դեր կատարեցին Վանեցյանն ու Ծառուկյանը:

Մի կողմ թողնենք այս հարցի քաղաքական կողմը: Փաշինյանի հայտարարությունն այն մասին, որ ինքը 6 օրում կարողացել է բուժվել, նշանակում է, որ «նոր Հայաստանում» արդեն բժշկությունն էլ է դարձել իր ձեռքի  խաղալիք հանրությանը մանիպուլյացիա անելու համար:

Այն, որ մեր հանրության մեջ կարող է լինել  մի զանգված, որ Փաշինյանի այս խայծը կուլ կտա, սակայն համոզաված եմ, որ   կա ավելի մեծ նաև գրագետ մաս, որի համար վիրավորական է ունենալ ստախոս երկրի ղեկավար:

Հերիք է ուսումնասիրել վիրուսի վարակման և բուժման հնարավոր ժամկետները և պարզ կդառնա, որ 6 օրում հնարավոր չէ ավարտել բուժման ինկուբացիոն փուլը, հայտարարել, որ վարակիչն արդեն առողջ է և մի բան էլ covid 2019-ից արդեն ումունիտետ է ձեռք բերել: Նույնիսկ ԱՀԿ-ի բաց ուսումնասիրություններն են վկայում, որ այսպես կոչված ասիմպտոմ վարակվածները բավարար հակամարմիններ չեն ստանում, որպեսզի ձեռք բերեն իմունիտետ: Առավել ևս հաստատված վարակվածին երբեք թույլ չեն տա, որ իր վարակումից սկսած վեց օր անց նա հրաժարվի կառանտինից և առավել ևս լայնորեն սկսի մարդկանց հետ շփվել:

Ի վերջո մեր երկիրը երկիր է, թե գազանանոց է, որտեղ մարդկանց կապիկների տեղ են դնում` ծաղրելով նրանց մարդկային  էությունը:

Ստախոս երկրի ղեկավարի վատը կայանում է նրանում, որ եթե ինքն նույնիսկ   իր ընտանիքին է ներքաշում այս ամենի մեջ, ապա վաղը նա կարող է ավելի  վտանգավոր ավանտյուրաների մեջ մտնել, որտեղ շարքային քաղաքացիները նրա համար կարող են դիտվել`  որպես օգտագործման առարկա, և, որի արդյունքում  արդեն երկիրն ու ժողովուրդը  կարող են հայտնվել մեծ վտանգների մեջ:

Սա է իրականությունը:

Դավիթ Մկրտչյան