Տեր-Պետրոսյանը նոր պաշտոններ է պահանջում Փաշինյանից
Երեկվա Տեր-Պետրոսյանի «սիլոգիզմը» ցույց է տալիս, թե ինչ աստիճանի է մտահոգված Փաշինյանի ճակատագրով: Մյուս կողմից նա դժգոհ է իր «հոգևոր զավակից», ով մոռացել է իրեն և նույնիսկ երբեմն «չարիք է» անվանում: Անընդհատ փորձում է ցույց տալ, որ ինքը՝ Փաշինյանը կապված չէ Տեր-Պետրոսյանի հետ: Վերջինս թեև հասկանում է Փաշինյանի այս վարքագիծը միևնույն ժամանակ խիստ նյարդայնանում է, որ պատշաճ մակարդակով «չաիրքը» ներկայացված չէ Փաշինյանի կաբինետում:
Դատեք ինքներդ վերջին երկու տարիների ընթացքում Տեր-Պետրոսյանը միայն աջակցել է Փաշինյանին, սակայն նրանից ոչ մի արձագանք չի ստացել: Վերջինս վախենում է Տեր-Պետրոսյանի հետ սերտ հարաբերություններ հաստատել, քանզի քաջ գիտակցում է, թե դրանից ինչ վարկանիշային կորուստ կարող է ունենալ:
Սակայն այսօր իրավիճակն ողբերգական է Փաշինյանի համար: Նա գրեթե բոլոր բնագավառներում ձախողվել է` կորոնավիրուսային պայքարում վերջին տեղերում է ԱՊՀ տարածքում, տնտեսական վիճակն աղետալի է, սոցիալականը նույնպես, երկրի արտաքին քաղաքականություն այսօր գրեթե չկա, իսկ Արցախի հարցը այս վերջին 20 տարվա ընթացքում այսքան ողբալի վիճակում չի գտնվել:
Հասկանալի է, որ այս պայմաններում մտահոգվելու կարիք ունի նաև Տեր-Պետրոսյանը, քանզի լավ է գիտակցում, թե ինչ կարող է լինել, եթե Փաշինյանն զրկվի իշխանությունից: Հենց այդ պատճառով էլ նա ճիչ է բաց թողնում, որ վիճակն վտանգավոր է և այդ ճիչը ուղղված է Փաշինյանին կարծես հուշելով նրան, որ եկել է ժամանակը «քաղաքական մանկապարտեզի» փոխարեն «փորձված կադրերով» տեղը զբաղեցնելու անհրաժեշտության մասին:
Թե ինչ «փորձված կադրերի» մասին է խոսքը, բոլորին է հայտնի և հենց այդ պատճառով էլ Փաշինյանն դժվար թե տուրք տա Տեր-Պետրոսյանի ցանկությանը: Մանավանդ, որ եթե բոլորի համար տեսանելի դառնա այն ինչի մասին շատերը խոսում են, ապա Փաշինյանի գահավիժումը կարող է արագանալ երկրաչափական պրոգրեսիայի չափով:
Սա է իրականությունը:
Դավիթ Մկրտչյան
Հետևեք մեզ Facebook-ում