ԱՄՆ-ում ռուսական «Պուշկին» ռեստորանի հայազգի սեփականատերը զենքով պաշտպանել է այն ավազակների հարձակումներից. Տեսանյութ

ԱՄՆ-ի մի շարք քաղաքներում շարունակվում են զանգվածային անկարգությունները, կապված աֆրոամերիկացի Ջորջ Ֆլոյդի մահվան հետ:

Զանգվածային անկարգությունները հասել են նաև ամերիկյան Սան-Դիեգո քաղաք: Ցուցարարները փորձել են հարձակվել նաև «Պուշկին» ռուսական ռեստորանի վրա, որի սեփականատերը ազգությամբ հայ Հայկ Ղազարյանն է: Այդ մասին Ղազարյանը հայտնել է Ինսթագրամի իր էջում: Ղազարյանին և ընկերներին հաջողվել է կասեցնել ռեստորանի վրա հարձակումը: Նա նաև պատմել է, թե ինչպես է հաջողվել պաշտպանել ռեստորանը հարձակումից:

«Զանգեցի ու կանչեցի լավ ընկերներիս: Մեզ մոտ թույլատրվում է զենք կրել, այդ իսկ պատճառով մոտ տաս մարդ զենքով եկավ պաշտպանելու ռեստորանը... Երեկոյան ժամը հինգից մինչ առավոտ ժամը տասը կանգնած պահպանում էինք ռեստորանը: Հավանական է, որ հերթապահենք ողջ շաբաթ», - ասաց Ղազարյանը:

Հիշեցնենք՝ Մինեսոտա նահանգի Մինեապոլիս քաղաքում ցույցեր, բախումներ և զանգվածային անկարգություններ են սկսվել այն բանից հետո, երբ մայիսի 25-ին մահացել է ոստիկանների կողմից ձերբակալված 46-ամյա սևամորթ տղամարդ Ջորջ Ֆլոյդը։

Մինեապոլիսում բախումներ են և հրդեհներ։ Փողոցներում ոստիկաններից բացի, արդեն տեղակայված են նաև ազգային գվարդիայի ծառայողները։

Միջադեպից հետո բողոքի ցույցեր և զանգվածային անկարգություններ են սկսվել Քոլամբուսում, Նյու Յորքում, Լոս Անջելեսում և Դենվերում։

Zham.am

 

 

 

View this post on Instagram

A post shared by Pushkin Russian Restaurant (@pushkinrestaurant) on Jun 2, 2020 at 12:50am PDT