Ադրբեջանական հակահայկական քարոզչության արդյունքում՝ գերմանական տիրույթում գտնվող arzach.de կայքը, Արցախի ներկայացուցչի պաշտոնական էջը և մի շարք այլ էջեր փակվել են Գերմանիայի կողմից
Դիտել նաև
Ալիևը մտադիր է շահագործել Արցախի բոլոր հանքերը
Ալիևը զրկել է Նախիջևանին ինքնավարությունից և «Զանգեզուրի միջանցքի» բանակցություններում դեր ունենալուց
Ալիևի վարչակազմի գործողությունները՝ որպես տարածաշրջանային ապակայունացման գործոն
Ըստ ամերիկյան The Washington Post-ի՝ Վաշինգտոն այցի ընթացքում Ալիևի թիկնապահները «իրենց վատ են պահել»
Երեկ Բաքվում Վենսը Ալիևի հետ ստորագրեց Ադրբեջանի և ԱՄՆ-ի միջև ռազմավարական գործընկերության մասին խարտիա. ի՞նչ է դա նշանակում
Ադրբեջանական հակահայկական քարոզչության արդյունքում՝ գերմանական տիրույթում գտնվող arzach.de կայքը, Արցախի Հանրապետության ներկայացուցչի պաշտոնական էջը և մի շարք այլ էջեր փակվել են Գերմանիայի կողմից։ Իսկ վերջին շրջանում էլ ադրբեջանի իշխանությունը բացահայտ և ակտիվորեն խրախուսում է «Էրիվան՝ ադրբեջանի հանրապետություն» լոզունգներով և պատմության խեղաթյուրմամբ զբաղվող տասնյակ կազմակերպությունների։
Իսկ Հայաստանի իշխանազավթ գլոբալիստները այս ամենին դիվանագիտական, քարոզչական և արտաքին հարաբերությունների տիրույթում ոչ միայն որևէ պատասխան չեն տալիս, ավելին՝ ագրեսոր պետության մասին խաղաղասիրական կոչեր են տարածում, իսկ ռազմավարական գործընկեր, բարեկամական հարաբերություններ ունեցող, ինչպես նաև սահմանակից դրացի-հարևան պետություննների հետ ստեղծում են վիճահարույց հարաբերություններ: Վերջին օրինակը Առողջապահության նախարարի հայտարարությունն է՝ Վրաստանի առողջապահական ոլորտի վերաբերյալ, որը ոչ միայն բամբասանք է պետական մակարդակով, այլև ազգային անվտանգության տեսանկյունից մեր երկրի պետական շահը ոտնահարող քայլ:
Նիկոլի իշխանությունը, մի կողմից՝ արտաքին քաղաքական դաշտում բարդագույն խնդիրների առաջ է կանգնեցնում պետությունը, իսկ մյուս ֆրոնտով գովերգում է հակառակորդ ադրբեջանին, վերջինիս, անձամբ բնորոշելով կառուցողական: Իսկ ներքաղաքական կյանքում, հարազատ «խառնել-թռնել» ձեռագրով, փորձում է ակտիվացնել իր ձեռամբ, երկու տարի առաջ կյանքի կոչված ատելության և պառակտման պրոցեսները, դրանք հասցնելով ընդհուպ՝ քաղաքացիական բախումների:
Մյուս կողմից էլ, ձեռքերը ծալած չի նստում, չեղարկելով գրեթե բոլոր կարանտինային սահմանափակումները, փաստացի նպաստում է վարակի ահագնացող տեմպերի աճին: Հաջորդը՝ հենվելով վարակակիրների մեծ թվի վրա, չի բացառվում, որ կսահմանեն տոտալ կարանտին: Դատելով այս ամենից ակնհայտ է, որ իշխանությունը իր քաղաքական նպատակներն է փորձում կյանքի կոչել մարդկային կյանքերի և առողջության հաշվին: Դեռ հույս ունեն, որ կկարողանան իրենց ազգադավ նպատակները վերջնականապես իրականացնել:
Պարզվում է, այս դասալիք քայլարածները ոչ միայն կարճամիտ են, այլև իրականության զգացումը ամբողջովին կորցրած։ Նույնիսկ չեն ընկալում, որ իրենց արագ հրաժարականը առաջին հերթին իրենց է պետք, հակառակ դեպքում ենթարկվելու են պատասխանատվության այնպիսի ծավալի, որը որպես աննախադեպ իշխանազավթման և հայրենիքը կործանելու օրինակ, թերևս ներառվի համաշխարհային պատմության էջերում՝ վերտառությամբ. «թե ինչ է լինում, երբ իշխանության ղեկին են հայտնվում ծայրահեղ պոպուլիսները, պաթոլոգիկ սուտասանները, ագրեսիվ հակառակորդին կառուցողական համարող դասալիքները, կեղծ խաղաղաղասերներն ու ազգատյաց «երջանիկ անհատները»։
Շատ ծանր է լինելու հաջորդ իշխանության բեռը, սրանք երկիրը հասցրել են սոցիալ-տնտեսական, առողջապահական, բարոյա-հոգեբանական, արտաքին քաղաքական կոլապսի։ Հաջորդ իշխանությունը սրանց քարուքանդ արած ավերակներից, նորից երկիր պետք է կառուցի:
Բարդ է լինելու, աշխատատար, նվիրում ու քաղաքական կամք, առանց պաթոսի, իրական հայրենասիրություն պահանջող, մեր Ազգը հարատևման և հաղթանակելու Աստվածային շնորհ ունի:
Նիկո´լ, չսիրեցիր էլի էս Աստվածային Երկիրը...
Ամեն օրդ քո դեմ է, քո սերմանած ատելության շնորհիվ, հեռացի´ր, քանի դեռ ուշ չէ:
Ազատամարտիկ Գևորգ Գևորգյանի ֆեյսբուքյան էջից
Հետևեք մեզ Facebook-ում