Ինչու՞ հենց դերասան Սարգիս Գրիգորյանին բերման ենթարկեցին

Ինչպես հայտնի է, այսօր Կառավարության դիմաց վաղ առավոտից բողոքիա կցիա էին իրականացնում մի խումբ հանդիսավարներ, շոու-բիզնեսի ներկայացուցիչներ, ովքեր պահանջում էին կառավարությունից, ինչպես մնացած տենտեսվարողները, որպեսզի իրենք նույնպես սկսեն աշխատել:

Սակայն, բողոքի ակցիայի ընթացքում արտակարգ դրության պահանջները չկատարելու պատճառով՝ ՀՀ ոստիկանության Էրեբունի բաժին բերման ենթարկեցին բողոքի ակցիայի կազմակերպիչներից՝ դերասան Սարգիս Գրիգորյանին և ևս երկու հոգու:

Դերասանի կինը՝ նույնպես դերասանուհի Մանո Գրիգորյանը, զարմացել էր, թե ինչո՞ւ հենց իր ամուսնուն որոշեցին բերման ենթարկել:

«...այդքան մարդկանց մեջ ամենախաղաղն ինքն էր կանգնած, եւ դրա հետ մեկտեղ պահպանում էր սոցիալական հեռավորությունը: Ես ուղղակի մի քիչ հեռու էի իրենից գտնվում եւ հստակ չհասկացա, թե ինչ կատարվեց, մենակ տեսա, որ բռնեցին տարան: Մենք ուղղակի ուզում էին բարձրաձայնել մեր պահանջները, մենք ո՛չ եկել էինք կռիվ անելու, ո՛չ պայքարելու, ո՛չ էլ առավելեւս ինչ-որ քաշքշուկների մեջ ընկնելու, եկել էինք, պարզապես մեր պայմաններն առաջարկելու, ու ես չհասկացա, թե ինչու իրավիճակն այսպես թեժացավ, քանի որ բոլորը խաղաղ տրամադրվածությամբ էին...»,- նշել է դերասանի կինը լրատվամիջոցներից մեկին:

Թե ինչո՞ւ հենց Սարգիս Գրիգորյանին որոշեցին բերման ենթարկել, դժվար չէ կռահել: Իշխանությունների կարծիքով հենց Սարգիսն կարող էր այս բողոքի ակցիան կազմակերպած լիներ: Քանզի, ամիսներ առաջ, նա մեկ անգամ չէ, որ քննադատական խոսքով էր հանդես գալիս Փաշինյանի իշխանության հասցեին: Դերասանների մեջ, ինչպես հայտնի է, իշխանությանը վառ քննադատողներ, սովորաբար չեն լինում: Հատկապես Հայաստանում դա այդպես է։ Լավ դերասան, դեռ չի նշանակում լինել լավ քաղաքացի: Այս խնդիրը առկա է ոչ միայն Հայաստանում: Սակայն հենց լավ դերասանը, ով նաև լավ քաղաքացի է, հատկապես վախեցնում է իշխանությանը: Քանզի, բոլորի կողմից սիրված դերասանի շուրթերից թթու խոսքը, ուղված իշխանությանը, ավելի վտանգավոր է դառնում իշխանության համար:

Սարգիսն այդ շարքում, հենց այդպիսի դերասաններից է: Նա ոչ միայն տաղանդավոր դերասան է, այլև լավ քաղաքացի է, ով չի վախենում իր կարծիքն հայտնել այս կամ այլ հարցի շուրջ: Հենց դրա պատճառով էլ, իշխանությունը վախեցած, որ Սարգիսի քայլը կարող է վարակիչ լինել մյուս դերասանների համար, հենց նրան է բերման ենթարկում, որպեսզի փորձի վախեցնել նրան: Որպեսզի դերասանը հետագա բողոքի քայլերից հետ կանգնի:

Սա է իրականությունը:

Արտակ Հակոբյան