Ահագնացող համաճարակի պայմաններում իշխանությունների ամբողջ ռեսուրսը ուղղված է ատելություն և հայհոյանքներ գեներացնելուն. մեկ էլ ծխախոտ «արտահանելու» վրա

Իր համակիրները, ընկերները, բոլորը դիմակներով, սոցիալական դիստանցիայի պահպանմամբ, հավաքվել էին ոստիկանության մոտ։ Ոստիկանները բոլորին շատ օպերատիվ «հավաքեցին»։

 

Փաստենք մի բան, որը դեռ ապրիլի կեսերից արդեն ակնհայտ էր. իշխանությունը արտակարգ դրությունն օգտագործում է քաղաքական հակառակորդներին և ոչ թե կորոնավիրուսը սանձահարելու համար։

 

Օր-օրի ահագնացող համաճարակի պայմաններում իշխանությունների ամբողջ ռեսուրսը ուղղված է ատելություն և հայհոյանքներ գեներացնելուն, հասարակությունը պառակտելուն, պատասխանատվությունից խուսափելուն։ Հա, ու մեկ էլ ծխախոտ «արտահանելու» վրա։

 

Կրկնում եմ. այս ամենն արվում է այն պահին, երբ պետք է ամեն ինչ արվեր ժողովրդին համախմբելու, մոբիլիզացնելու համար, այն պահին, երբ օրական հարյուրավոր մարդիկ են վարակվում, այն պահին, երբ գրեթե ամեն օր մարդ է մահանում, իսկ վարակվածների համար արդեն չեն հերիքում կարանտինային և հիվանդանոցային տեղերը։