Քաղաքապետարանի հայտարարած մրցույթը շահած ընկերությունը կեղծ բանկային երաշխիք է ներկայացրել, ընկերության տնօրենը վարչապետի քավորի ազգականն է. Դավիթ Խաժակյան. Տեսանյութ

Երևանի ավագանու «Լույս» խմբակցության ղեկավար Դավիթ Խաժակյանը ֆեյսբուքյան ուղիղ եթերի միջոցով խոսեց հարյուր միլիոնավոր դոլարներ հասնող մեքենայություններից և նշեց, որ շաբաթներ շարունակ պետական մարմինները լռել են այդ մասին, այդ պատճառով ինքն է բացահայտելու այդ չարաշահումները:

Նա նշեց, որ խոսքը պետական գնումների մասին է և պարզաբանեց, որ գնումների մասին օրենսդրության համաձայն՝ ցանկացած կապիտալ շինարարություն պահանջում է առանձին տեխնիկական հսկողություն մեկ այլ մասնավոր կազմակերպության կողմից: Նրա խոսքով՝ փաստացի շինարարական աշխատանքների համար հայտարարվում է երկու մրցույթ՝ բուն շինարարական աշխատանքները և դրանց տեխնիկական հսկողությունը:

«2019-ի հոկտեմբեր ամսին կառավարությունն իր որոշումներից մեկում կատարում է  մի փոփոխություն, որը փաստի առաջ է կանգնեցնում շատ ու շատ շինարարների և տեխհսկողություն իրականացնող կազմակերպությունների: Պետությունն այդ որոշմամբ կազմակերպություններից մրցույթներին մասնակցելու համար պահանջում է չափազանց մեծ բանկային երաշխիք, այնքան մեծ, որ շատ ընկերություններ որոշում են այդ պայմաններով չմասնակցել մրցույթների:

2020 թվականի հունվարի 9-ին պետական գրանցում է ստանում «էտալոն գրուպ» ՓԲԸ-ն և երկրով մեկ դիմում շինարարական աշխատանքների՝ տեխնիկական հսկողություն իրականցնող մրցույթներին և հիմնականում, նվազագույն արժեք տալով, հաղթում»,- ասաց նա:

Ըստ Խաժակյանի՝ 2020 թ․ փետրվարի 20-ին նույն նորաստեղծ կազմակերպությունը մասնակցում է Երևանի քաղաքապետարանի կողմից հայտարարվող ասֆալտապատման աշխատանքների հսկողության մրցույթին և լինելով միակ մասնակիցը՝ ստանում շուրջ 35 մլն դրամ արժողությամբ պայմանագիրը: Նա նաև ասաց, որ Կառավարության համապատասխխան որոշմամբ կազմակերպությունը ներակայացնում է նաև բանկային երաշխիք, որն անհրաժեշտ է ունենալ մրցույթը շահելիս: «Իսկ հիմա ամենաուշագրավը՝ պարզվել է, որ նորաստեղծ «Էտալոն գրուպի» ներկայացրած բանկային երաշխքիը կեղծ է: Ասել է թե, մրցույթին ներկայացված փաստաթուղթը ոչ թե թողարկվել է բանկի կողմից, այլ կեղծվել է: Օրեր առաջ քաղաքապետարանը լուծարում է այդ կազմաերպության հետ կնքված պայմանագիրը և չի տեղեկացնում մարդկանց»,- նշեց Խաժակյանը:

Խաժակյանը տեղեկացրեց, որ Երևանի քաղաքապետարանը մարտ ամսին հրապրակել է իր հերթական, բայց ծավալներով մեծ մրցույթը՝ բազմաբնկարան շենքերի մուտքերի վերանորոգման մրցույթը, եթե նախորդը պարզապես տեխնիկական հսկողության մրցույթ էր, ապա այս մեկով նախատեսված է մեծածավալ շինարարական աշխատանքներ: «Այս մրցույթի չափաբաժինների մեծ մասին նվազագույն արժեք է ներակայացնում «Ռաշն վոյաժ» անունով ՍՊԸ-ն, որը ևս ստեղծվել է հետհեղափոխական շրջանում՝ 2019 թվականի հունվար ամսին: Այս կազմակերպությունը ևս կշահեր 600 մլն դրամ և ավել արժեղությամբ մրցությը, եթե չպարզվեր, որ այն ևս ներկայացվել է կեղծ բանկային երաշխիք»,- նշեց նա:

Դավիթ Խաժակյանը նշեց, որ, բնականաբար, հարց է առաջանում՝ փոխկապակցված են արդյոք այս ընկերությունները, և արդյոք կեղծվել են բանկային երաշխիքի մասին փաստաթուղթը սեփական ռիսկով:

«Համաձայն պետական ռեգիստրի պաշտոնական տվյալների՝ «Ռաշն վոյաժ» ՍՊԸ տնօրենն է Վահագն Ղալումյանը: ՀՀ վարչապետ Նիկոլ Փաշինյանի քավորն է Իջևանի քաղաքապետի ժամանակավոր պաշտոնակատար Հայկ Ղալումյանը, ով 2019 թվականի սեպտեմբեր ամսից զբաղեցնում է այդ պաշտոնը: Հաջորդ ինձ ծանոթ Ղալումյանը վերջերս հայտնի դարձած, «Իմ քայլը» խմբակցության պատգամավոր, ԱԺ ծեծկռտուքի ժամանակ հետևից խփող, խփելուց հետո արարքից հրաժարվող Վահե Ղալումյանն է, ով վարչապետի քավորի եղբայրն է:

Ի տարբերություն վարչապետ Փաշինյանի պատգամավոր դարձած ազգականներ Սիփան Փաշինյանի և Հրաչյա Հակոբյանի՝ Վահե Ղալումյանը «իմ քայլի» համամասնական ցուցակում զբաղեցրել է անցողիկ՝ 31-րդ տեղը: 2003-2006 թթ․ Իջևանի ճանշին վարչության գործադիր տնօրենի տեղակալ է եղել,  2006-2015-ը իջևանի ճանշին վարչության գործադիր տնօրենի առաջին տեղակալ: Կարծում եմ՝ պարոն Ղալումնյանն ունի տենդերների մասնակցության սոլիդ փորձառություն»,- նշեց նա:

Ամփոփելով խոսքը, նա ասաց, որ Վահե Ղալումյանը հետհեղափոխական շրջանում ստեղծել է «Ռաշն վոյաժ» ՍՊԸ-ն և մանսակցել շինարարական խոշորածավալ մրցույթի՝ ներկայացնելով կեղծ բանկային երաշխիք: Նա ասաց, որ Վահե և Վահագն Ղալումյանների ազգակցական կապը հստակ չի կարող նշել, բայց ըստ տեղեկությունների՝ հորեղբոր տղաներ են: «2 շաբաթ անցել է այն բանից հետո, ինչ բանկը ներակայացրել է Երևանի քաղաքապետարանին այն մասին, որ նման երաշխիք չի թողարկել, և այդ փաստաթուղթը կեղծ է, այս ամենը ես ինչու եմ հրապարակում, այլ ոչ թե իրավապահները, կդժվարանամ ասել»:

Նա ասաց, որ կդժավարանա ասել, թե «Էտալոն Գրուպ» ու «Ռաշն վոյաժը» իրար հետ կապ ունե՞ն, նա նշեց, որ դա պետք է իրավապահները պարզեն, գուցե նույն  շենքում են գտնվում հասցեները:

Մանրամասները՝ տեսանյութում: