Մայիսի 11-ից Վրաստանում գործող ու չգործող սահմանափակումները

Այսօր՝ մայիսի 11-ին, Վրաստանում մեկնարկում է հակաճգնաժամային ծրագրով սահմանված տնտեսության բացման երրորդ փուլը, որը նախատեսվածից շուտ գործեց երկրում համաճարակային իրավիճակից ելնելով: Այս մասին հայտնում է Aliq.ge-ն:

Այսպիսով, այսօրվանից բոլոր տեսակի տրանսպորտային միջոցների համար մայրաքաղաք Թբիլիսին ամբողջությամբ բացվում է:

Այսօրվանից Վրաստանի ամբողջ տարածքում թույլատրվում է բոլոր տեսակի արտադրությունները, այդ թվում հրատարակչական գործունեությունը:

Այսօրվանից աշխատանքը կվերսկսեն նաև բոլոր տեսակի մանրածախ և մեծածախ խանութները, որոնք փողոցի կողմից մուտք ունեն: Վրաստանում դեռևս փակ են մնում հագուստի և կոշիկի խանութները և առևտրի մեծ կենտրոնները:

Այսօրվանից բացվում են նաև հանգստի վայրերն ու այգիները: Բուսաբանական այգին աշխատանքը կվերսկսի մայիսի 15-ից:

Վրաստանում մինչև արտակարգ դրության ավարտը՝ մայիսի 22-ը, ուժի մեջ կմնան մի շարք սահմանափակումներ․

Պարետային ժամը (21:00-06:00)

Փակ տարածքներում դիմակներ կրելը

Ավտոմեքենայում երեքից ավել ուղևոր տեղափոխելու արգելքը

Դեռևս անհայտ է նաև, թե երբ կվերականգնվի հասարակական տրանսպորտը: