«Սամվել Բաբայանի ձերբակալության մեջ քաղաքական ենթատեքստ չտեսնելը առնվազն միամտություն կլինի». Դ. Մալխասյան

Լրագրող¸ «Պոլիտիկա» կենտրոնի նախագահ Դերենիկ Մալխասյանը Սամվել Բաբայանի ձերբակալությունը համարում է անհասկանալի և անտրամաբանական:

«Արդեն մի ամիս է տարբեր լրատվամիջոցներով խոսում էին այն մասին¸ որ Սամվել Բաբայանը «Սասնա Ծռեր»- 2 է նախապատրաստում: Այս ֆոնին¸ այսքան ինֆորմացիոն հիմքեր ապահովելուց հետո¸ ինձ համար մի քիչ տրամաբանական չէր¸ որ Սամվել Բաբայանը զենք ներմուծելու միջոցով հենց այս պահին¸ փորձում էր ինչպես տեղեկացնում էին ինֆորմացիոն հոսքերը¸ զինված ապստամբություն իրականացնել: Այսինքն՝ բոլորը տեղեկացված էին հիմնականում իշխանությունների կողմից վերահսկվող ԶԼՄ-ների միջոցով ու որպես այդ ինֆորմացիայի ապացույց հանկարծ ընտրություններիցմոտ 10 օր առաջ հայտնաբերվում է զենք»¸-Zham.am-ի հետ զրիույցում ասաց Մալխասյանը:
Նրա կարծիքով կատարվածը միանշանակ ունի քաղաքական ենթատեքստ:

«Կարծում եմ¸ որ քաղաքական ենթատեքստ ամեն դեպքում կա¸ քանի որ Սամվել Բաբայանը ակտիվորեն ներգրավված է քաղաքական գործընթացների մեջ և այս ամենի մեջ քաղաքական ենթատեքստ չտեսնելը իմ կարծիքով միամտություն կլինի»:

Նրա նշեց¸ որ դժվար թե նման գործելաոճով իշխանությունը նպատակ ունի վախի մթնոլոտ ստեղծել և ճնշել ընդդիմադիր ուժերին: Ըստ նրա նպատակն ամենյան հավանականությամբ ՕՐՕ-ի կազմակերպչական աշխատանքերը խաթարելն է:

«Եթե վախի մթնոլորտ ես ստեղծում հասարակության մոտ¸ հակառակ ռեակցիան է տեղի ունենում և տվյալ դաշինքի նկատմամբ աճում է հանրային աջակցությունը ¸ հետևաբար նպատակների մասին կդժվարանամ ասել: Կազմակերպչական խնդիրներով զբաղվում էր Սամվել Բաբայանը¸ միգուցե կազմակերպչական խնդիրներ առաջացնելու միտում ունի ՕՐՕ դաշինքի շրջանակներում: Եթե Սամվել Բաբայանն¸ իհարկե այդ չափով ներգրավված է կազմակերչական աշխատանքների մեջ¸ ինչ չափով ներկայացվում է մամուլում»¸-նշեց նա:

Անի Շաբոյան