«Գազպրոմ Արմենիան» հերքո՞ւմ է Փաշինյանին

«2020 թվականի ապրիլի 30-ի դրությամբ 2020 թվականի փետրվար և մարտ ամիսներին սպառած բնական գազի դիմաց գումարը ամբողջությամբ չեն վճարել 111.944 բնակիչ-բաժանորդ»: 168.am-ի գրավոր հարցմանն ի պատասխան՝   տեղեկացրել է  «Գազպրոմ Արմենիա» ընկերությունը։

Հիշեցնենք, որ ընդամենը մի քանի օր առաջ Փաշինյանն իր «լայվում» նշել էր, թե իբր ներկա պահին գազի դիմաց չէին վճարել ընդամենը մի քանի հարյուր բաժանորդ:

Ստացվում է Փաշինյանը,  մեղմ ասաց, հերթական անգամ խաբել էր ժողովուրդին, նշելով, որ ընդամենը մի քանի հարյուր մարդ էր, որ չէին վճարել գազի դիմաց:

Այսօր արդեն պաշտոնապես տեղեկանում ենք, որ գազի դիմաց պարտք են ոչ թե մի քանի հարյուր մարդ, այլ ավելի քան 111 հազար քաղաքացի:

Փաշինյանը, հավանաբար, վախեցել էր սույն թիվը նշել, որպեսզի ցույց տա, որ չվճարողները  ընդամենը մի քանի հարյուրն են: Սա ցույց է տալիս Փաշինյանի ստախոսության չափը: Նա չի խորշում հանուն իր նպատակների, ամենաբացահայտ ստի: Իսկ դրա համար Փաշինյանն ուներ իր հիմնավորումները: Մի բան է, որ իրենց պարտքը չեն վճարել 700 մարդ մեկ այլ բան է, երբ նրանց թիվը հասնում է 111 հազարի:

Փաշինյանն հավանաբար այդ թվից էր վախեցել, քանզի այդ մարդիկ վաղը կարող են դառնալ իր քաղաքական հակառակորդների հենարանը:

Պարզպես ապշել կարելի է, թե ինչ հեշտությամբ է Փաշինյանը սուտ խոսում, երբ դա իրեն դառնում անչափ անհրաժեշտ:

Արտակ Հակոբյան