ԲԴԽ նախագահին գիշերը կանչել են Կառավարություն. եղել են ցուցումներ՝ Գուրգեն Խաչատրյանին կալանավորելու. Փաստինֆո
«Փաստինֆո»-ի տեղեկություններով՝ ԲԴԽ նախագահ Ռուբեն Վարդազարյանին այս գիշեր կանչել են Կառավարություն՝ ՀՀ վարչապետ Նիկոլ Փաշինյանի մոտ: Ականատեսները պատմում են, որ տեսել են, թե ինչպես է Կառավարության շենք մուտք գործում ԲԴԽ նախագահը: Մեր աղբյուրի փոխանցմամբ՝ հստակ ցուցումներ են տրվել «Գալաքսի» ընկերությունների խմբի համահիմնադիր, Ucom ընկերության տնօրենների խորհրդի նախագահ Գուրգեն Խաչատրյանին կալանավորելու համար: Հանձնարարականներ են տրվել նաեւ իրավապահ մարմիններին՝ հստակ նախազգուշացումով, որ ցանկալի արդյունքը չապահովելու դեպքում կլինեն պաշտոնանկություններ։
Գիշերը Խաչատրյանների տարբեր հասցեներում գիշերը նկատվել են մի շարք ավտոմեքենաներ, որոնք թերեւս սպասել են Գուրգեն Խաչատրյանին կալանավորելու օպերացիան բեմադրելու համար, ինչը չի ստացվել։
«Փաստինֆո»-ի տեղեկություններով՝ այսօր ԱԱԾ-ն ծանուցում է ուղարկել Գուրգեն Խաչատրյանին՝ վարույթն իրականացնող մարմին ներկայանալու համար: Բացառված չէ գործողություններ իրականացվեն բիզնես գրասենյակներում։
Հետևեք մեզ Facebook-ում