Փաշինյանի «սամասուդի» քարոզը կյանքի կոչվեց Գավառում

Այն ինչ կատարվեց Գավառում աննկարագրելի է իր ոճրագործության աստիճանով: Այն շարքային հանցագործություն չէր: Այստեղ կատարվեց  առաջին անգամ նորանկախ Հայաստանի պատմության ընթացքում յուրօրինակ «հայկական Սումգայիթ»: Այսպիսի երևույթ մենք չէինք տեսել ոչ ղարաբաղյան շարժման ընթացքում, ոչ էլ նույնիսկ Սումգայիթի դեպքերից հետո, երբ Երևանում դեռ ապրում էին մոտ 30 հազար ադրբեջանցիներ: Մենք արդարացի նշում էինք, որ «Հայաստանում նման բարբառոսություն չէր կարող լինե՞լ, քանզի «հայը չունի ադրբեջանցու արժեհամակարգը»: Երեկ մենք ականատես դարձանք, որ «հայը այս երկու տարվա ընթացքում ձեռք է բերել նաև այդ հատկությունը»:

Ինչո՞ւ այդպես ստացվեց հարցադրումը ունի նաև իր հստակ պատասխանը:

Որովհետև փաշինյանական «նոր Հայաստանում» այս երկու տարվա ընթացքում հետևողականորեն աճեցվեց այդ արժեհամակարգը:

Փաշինյանի «պառկեցնել ասֆալտին ու ծեփել պատերին», «վնգստացող դատավորների» մասին եզրույթները մարդկանց մոտ «սամասուդի» ցանկությունները, որ իբր ինքը՝ Փաշինյանն է փորձում կանխել, վերջիվերջո  իր արդյունքները տվեցին Գավառում: Մենք բոլորս ականատես դարձանք, որ մեզ մոտ էլ է հնարավոր այն, ինչ կատարվեց 1988-ին Սումգայիթում:

Այս տեսանկյունից կարելի է «շնորհավորել» Փաշինյանին, քանզի երկու տարվա ընթացքում նրան հաջողվեց հայկական միջավայրում ներմուծել ադրբեջանական բարքերը:

Հենց այդ պատճառով էլ Փաշինյանը կրելու է այս ամենի քաղաքական և բարոյական պատասխանատվությունը պատմության առջև, քանզի մեր ժողովուրդի պատմության մեջ այս ամենը առաջին անգամ դրսևորվեց Փաշինյանի «նոր Հայաստանի» ժամանակահատվածում:

Սա է իրականությունը:

Դավիթ Մկրտչյան