Քանի՞ տոկոս է խոստացել Սերժ Սարգսյանը Արամ Զավենիչին՝ Սամվել Բաբայանից հեռու մնալու համար

Ինչպես հայտնի է այսօր «Ելք» դաշինքի «ժելեյոտած» տղաները բակից բակ և «գարաժից գարաժ» թռվռում են և գոչում՝ «Ելք կա, ելք կա»՝ նմանվելով «Մաուգլի» մուլտֆիլմի կապիկներին:

Այն, որ այս ամենը խիստ արհեստական սպեցօպերացիա էր հիշեցնում, կռահում էին շատերը, սակայն քչերը գիտեն, թե ովքեր են այս տիկնիկներին իրականում խաղացնողները:

Պարզվում է՝ այս տարվա սկզբին Սերժ Սարգսյանի խնդրանքով ՍԴ նախագահ Գագիկ Հարությունյանը այցելում է Արամ Զավենի Սարգսյանենց տուն և մտերմիկ խոսակցություն ունենում նրա հետ՝ փոխանցելով Սերժ Սարգսյանի թախանձագին խնդրանքը, որպեսզի վերջինս Նիկոլ Փաշինյանի և Էդմոն Մարուքյանի հետ հնարավորինս հեռու մնան Սամվել Բաբայանից:

Գագիկ Հարությունյանը դեռ այն ժամանակ Արամ Զավենիչին ասում է, որ միևնույն է Սեյրան Օհանյանին և Սամվել Բաբայանին թույլ չենք տալու լիարժեք ընտրություններին մասնակցելու, քանի որ մինչև ընտրությունները նրանց ձերբակալելու են: Գագիկ Հարությունյանը «հայրական» հորդորով դիմում է Զավենիչին՝ հեռու՛ մնացեք այդ վտանգավոր դաշինքից, փոխարենը Սերժ Սարգսյանը ձեզ կտա ռեսուրսներ և հնարավորություններ մինչև 10 տոկոս ձայներ հավաքել և անցնել ապագա խորհրդարան:

Արամ Զավենիչը այս ամենի մասին միամտորեն կիսվում է ոչ միայն իր գործընկերների, այլև ավելի լայն շրջանակների հետ, որից հետո այս եռյակը որոշում է կայացնում չնյարդայնացնել Սերժ Ազատիչին և կատարել իր սուրբ առաքելությունը՝ ընտրարշավի ժամանակ քննադատել Ծառուկյանի թիմին և ՕՐՕ դաշինքին՝ ակնկալելով Սերժ Սարգսյանի խոստացած 10 տոկոսը:

Ահա՛ թե ով է Արամ Զավենի Սարգսյանը, որ ամենուրեք ներկայանում է քրիստոնյա և ազնիվ մարդ՝ գործնականում լինելով այսօրվա քրեաօլիգարխիկ համակարգի ստվերային գործակալն ընդդիմադիր դաշտում: Իսկ այս դաշինքի շատ ազնիվ և միամիտ անդամներ, չեն էլ կռահում, որ իրենց լիդերները, և, մասնավորապես, Արամ Զավենիչն ու Նիկոլ Փաշինյանը շարքային իշխանական գործակալներ են, որոնք ամենավճռական պահին կատարում են Սերժ Սարգսյանի պատվերները: Եվ, որպես օրինակ, հիշեցնենք Սահմանադրական հանրաքվեի ժամանակաշրջանը, երբ այս տխրահռչակ գործիչները դե ֆակտո աջակցեցին գործող իշխանությանը: Սակայն քաղաքական լյուստրացիայի ժամանակը գալու է և հայ ժողովուրդը ճանաչելու է իր բոլոր մեծ ու փոքր «հերոսներին»:

Դավիթ Մկրտչյան