Սերժ Սարգսյանի վերջին միջոցը սեփական իշխանությունը վերարտադրելու համար

Մարտի 22-ին Ազգային անվտանգության ծառայության տարածած հաղորդագրությունից պարզ է դարձել¸ որ Հայաստան ապօրինի ճանապարհով «Իգլա» տեսակի զինատեսակ բերելու համար իբր բերման է ենթարկվել 3 քաղաքացի¸ որոնց թվում Լեռնային Ղարաբաղի պաշտպանության բանակի նախկին հրամանատար, Արցախի հերոս, գեներալ–լեյտենանտ Սամվել Բաբայանը: Պարզից էլ պարզ է¸ որ Բաբայանի ձերբակալությունը պայմանավորված է քաղաքական գործընթացներով¸ իսկ ավելի կոնկրետ՝ Ազգային ժողովի ընտրություններով: Սերժ Սարգսյանն իր այս քայլով ոչ միայն փորձում է երկրում վախի մթնոլորտ ձևավորել¸ այլ փորձում է հակաօրինական միջոցներով ազդել ընտրությունների վերջնական արդյուքնի վրա:

Ձերբակալությունները և նմանատիպ այլ հակասահմանադրական միջոցները մնացել են որպես Սերժ Սարգսյանի ձեռքին վերջին միջոց՝ սեփական իշխանությունը վերարտադրելու համար: Քանի որ Սերժ Սարգսյանը պատկանում է այն գործիչների դասին¸ որոնք տանել չեն կարողանում¸ երբ իրենց ազդեցությունից դուրս որևիցե ուժ է գործում¸ հենց այդ պատճառով էլ նա փորձում է այդպիսի հակասահմանադրական միջոցներով ազդել ընտրությունների վերջնական րդյունքի վրա:

Սարգսկանի համար նման գործելաոճը նոր չէ . բոլորի հիշողության մեջ դեռ թարմ է 2015թ. փետրվարի 12-ի ՀՀԿ-ի «պադվալում» տեղի ունեցած հակասահմանադրական գործողությունը: Պետք չէ զարմանալ¸ որ իշխանությունը գնում է նման քայլերի: Ինչքան մոտենան ընտրությունները¸ այնքան էլ վելի մեծ վտանգ է զգալու Սերժ Սարգսյանը և նրա համար պոտենցիալ ահաբեկիչ են լինելու Հայաստանում մշտական բնակչություն ունեցող 2 մնլ 900 հազար քաղաքացուց յուրաքանչյուրը: Սակայն¸ եթե Սարգսյանը կարծում է¸ թե իր այս քայլով կարողէ խոչընդոտել ՕՐՕ դաշինքի բնականոն գործունեությանը¸ ապա նա չարաչար սխալվում է: Դաշինքն ինչպես եղել այնպես էլ մնում է հաստատակամ իր որոշման մեջ ընտրությունների միջոցով Հայաստանում նոր իշխանություն ձևավորելու համար:

Սամվել Բաբայանին բերման ենթարկելը մի շատ կարոևր նրբութուն ի հայտ բերեց: Հայաստանում այսպես կոչված ազատ մամուլի մի շարք ներկայացուցիչներ իրականում կատարում են ԱԱԾ-ի խոսնակի պարտականությունները: Մինչև Սամվել Բաբայանի ձերբակալությունը «ընդդիմադիր» թերթերից մեկն ամեն օր¸ հղում անելով իր իշխանական աղբյուրներին¸ նշում էր¸ թե իբր շուտով կձերբակալեն Սամվել Բաբայանին և ուրվագծում էր այն սցենարը¸ որով դա կարող էր տեղի ունենար: Մեկ այլ ոչ պակաս «անկախ» կայք¸ ԱԱԾ-ից ավելի շուտ հայտնեց Բաբայանի ձերբակալության մասին: Այս իրադարձություններից հետևություններ պետք է անի նաև շարքային ընթերցողը և լավ հասկանա¸ որ իրականում Հայաստանում քանի անկախ լրատվամիջոց կա և ով ում շահերն է սպասարկում:

Արմեն Միքայելյան

Հ.Գ. Քանի որ Սերժ Սարգսյանի համար պաշտոնական տվյալներով Հայաստանում բնակվող ավելի քան 2, 9 մլն մարդը հանդիսանում է պոտենցիալ ահաբեկիչ¸ բոլորին խորհուրդ եմ տալիս ամուր կողպել իրենց ավտոտնակի դռները. ի՞նչ իմանաս¸ միգուցե մի օր էլ ԱԱԾ-ն որոշի ձեր ավտոտնակում տանկ Տ-90 ճարի: