Սիրիական ընդդիմությունը Աստանայում բանակցություններին առանձին հայտարարությամբ հանդես կգա

Աստանայում շարունակվում է միջազգային կոնֆերանսի աշխատանքները Սիրիայի հարցով: Ինչպես սպասվում է, այսօր կողմերը պետք է վերջնական կոմյունիկե ընդունեն: 

Միևնույն ժամանակ կան տվյալներ, որ ընդդիմության ներկայացուցիչները երաշխավոր երկրներից առանձին հայտարարությամբ հանդես կգան, ինչպես նաև հրաժարվում են քննարկել հակամարտության քաղաքական կարգավորումը, հաղորդում է «Россия 24»-ը:

Ինչպես հաղորդեց սիրիական ընդդիմության պատվիրակության անդամ Ուսամա Աբու Զեյդը, սիրիական ընդդիմության պատվիրակությունը Աստանայում բանակցություններին առանձին հայտարարություն է մշակում:

Նրա խոսքերով, հայտարարությունը, որը համատեղ մշակում են Թուրքիան, Ռուսաստանը և Իրանը, վերաբերվում է միայն այդ երկրներին: Ընդդիմության ներկայացուցիչը հավելեց, որ պետք է «ընդհանուր խոսքերից անցնել իրական գործողությունների»:

«Մենք պետք է մեր կողմնակիցներին Սիրիայում, որոնք ոչ համացանց ունեն, ոչ էլ սոցիալական կայքեր, ցույց տանք, որ ինչ-որ բան արվում է: Դրա համար պետք է դադարեցնել պատերազմը», - եզրափակեց նա:

Ուսամա Աբու Զեյրդը հայտարարեց, որ սիրիական ընդդիմության պատվիրակությունը հրաժարվում է քաղաքական հարցերի քննարկումից, քանի դեռ չկա հրադադար:

Zham.am