«Աղավնի» Մամեդյարովին կարող են հեռացնել. Ադրբեջանում ասպարեզ են պատրաստվում գալ «բազեները» ովքեր կողմ են պատերազմին
Սերգեյ Լավրովի վերջին մեսիջը մեծ աղմուկ է հանել ոչ միայն Հայաստանում, այլև Ադրբեջանում: Եթե մեզ մոտ նյարդայնացած են, որ հայկական կողմը փաստացի պարտություն է կրել դիվանագիտական ճակատում, ապա ադրբեջանցիները նյարդայնացած են, որ այս իրավիճակում Մամեդյարովի թիմն է գլխավոր խոչընդոտ հանդիսանում, որպեսզի Ալիևի շրջապատում հաղթանակի այսպես կոչված «պատերազմի կուսակցությունը»:
Եվ ահա, Լավրովի այս խոսքերից հետո պատերազմի կողմնակիցները ոգևորվել են և գրեթե հերթով պահանջում են Մամեդյարովի հրաժարականը: Եթե հաշվի առնենք Ադրբեջանի ավտորիտար բնույթը, ապա կարող ենք նշել, որ այս հրաժարականի պահանջը կարող է հիմք դառնա Մամեդյարովի իրական հրաժարականի համար: Նախկինում երբևէ այս չափի դժգոհություն, գոնե հրապարակավ, չէր լսվել Մամեդյարովից, այն էլ իշխանության վերահսկողության տակ գտնվող շրջանակների կողմից:
Իսկ սա կարող է նշանակել մեկ բան` Ադրբեջանում Ալիևի շրջապատում կարող է կտրուկ փոխվել պատերազմի սկսման վերաբերյալ պատկերացումները: Ընդ որումն դրան կարող է նպաստել ոչ միայն Լավրովի վերջին մեսիջը, այլև նավթի գների կտրուկ անկման գործոնը: Հիշեցնենք, որ այդ երկրում բյուջեն հաշվարկված էր նավթի մեկ բառելի դիմաց 45 դոլարի չափով: Մինչդեռ այսօր այն համաշխարհային շուկաներում վաճառվում է 20 դոլարից էլ ավելի ցածր գնով:
Դժվար չէ կանխատեսել, թե ինչ կլինի, եթե իրավիճակն չփոխվի մոտ ժամանակներում: Մինչդեռ ինչպես հայտնի է մի քանի շաբաթ անց նավթի պաշարները ողջ աշխարով մեկ արդեն լցված կլինեն, իսկ դա կնշանակի, որ Ադրբեջանը կարող է հայտնվել ծանրագույն վիճակում: Այս պայմաններում Ալիևի միակ լուծումը կարող է լինել ռազմական գործողություններ սկսելը:
Ահա թե ինչու ներկայիս Մամեդյարովի հրաժարականի պահանջի հետևում կարող է թաքնված լինել նաև հենց անձամբ Ալիևը:
Արտակ Հակոբյան
Հետևեք մեզ Facebook-ում