Ռուսաստանում կորոնավիրուսով վարակվածների թիվն ավելացել է 4774-ով

Ռուսաստանում վերջին մեկ օրում գրանցվել է կորոնավիրուսով վարակվածության 4774 նոր դեպք: Երկրում հաստատված դեպքերի ընդհանուր թիվը դարձել է 62773: «Արմենպրես»-ի հաղորդմամբ, ՏԱՍՍ գործակալությունը, ներկայացնելով Կորոնավիրուսի տարածման դեմ պայքարի օպերատիվ կենտրոնի տվյալները, տեղեկացնում է, որ ապաքինվել է 4891 մարդ:

«Ռուսաստանում ներկայում ընդհանուր առմամբ կորոնավիրուսով վարակվածության 62 հազար 773 դեպք է գրանցվել (+8.2 տոկոս): Վարակի դեպքեր գրանցվել են երկրի 85 շրջաններում: Վերջին մեկ օրում ապաքինվել է 471 մարդ՝ ընդհանուր թիվը դարձնելով 4 հազար 891: Մեկ օրվա ընթացքում մահերի թիվն ավելացել է 42-ով՝ դառնալով 555»,-ասված է օպերատիվ շտաբի հաղորդագրությունում: Նշվում է, որ վերջին մեկ օրում արձանագրված նոր դեպքերից 2 հազար 282-ի մոտ՝ 47,8 տոկոս, չեն եղել ախտանշաններ: Նշվում է, որ, ընդհանուր առմամբ, վարակի աճի տեմպը Ռուսաստանում դանդաղել է մինչև 8.2 տոկոս, Մոսկվայում՝ 6.1 տոկոս:

Zham.am