Գազի գնի հարցի լուծման մեջ քաղաքական բաղադրիչը շատ մեծ է. Միքայել Մելքումյան
Գազի գինն ինչքան լինի Օրենբուրգի մարզում կամ Կրասնոդարում, գումարվելու է տրանսակցիոն ծախսերը եւ Վրաստանի տրանզիտը։ Այս մասին այսօր՝ ապրիլի 22–ին, ԱԺ–ում լրագրողների հետ ճեպազրույցում ասաց ԱԺ «Բարգավաճ Հայաստան» խմբակցության պատգամավոր Միքայել Մելքումյանն՝ անդրադառնալով ՌԴ ԱԳ նախարար Սերգեյ Լավրովի երեկվա հայտարարությանը։
«Ստրատեգիական հարաբերությունները նաեւ գազի գնի մասով չպետք է քաղաքականացվեն։ Սա մեկ անգամ եւս ապացուցում է, որ գազի գնի հարցի լուծման մեջ քաղաքական բաղադրիչը շատ մեծ է, այլ ոչ թե տնտեսական։ Եթե քաղաքական է այո, պետք է քաղաքական բանակցություններ գնա, բայց նաեւ ասեմ, որ մենք միասնական միության անդամ ենք դրանից բխող հարցերով եւ երկրորդ՝ Հայաստանն ունի առանձնահատկություն, որ ոչ միայն գազը ստանում է ռուսական գազպրոմից, այլեւ ներքին օպերատորը շուկայում էլի ռուսական է, միայն մեր մոտ է այդպես, ուրիշ ԵԱՏՄ անդամ երկրում նման բան չկա։ Մենք մի բան որդեգրել ենք հեղափոխությունից հետո, որ անկախ հիմնադիրների ծագումնաբանությունից բոլորն էլ հայաստանյան օրենքներով պետք է գործեն, դա կլինի ամերիկյան, թե ռուսական, գերմանական, ֆրանսիական կապիտալով, մեր օրենքները պետք է պահպանվեն եւ մեր պետությունն իր շահերը պետք է պահպանի»,–ասաց պատգամավորը։
Նրա խոսքով՝ կառավարությունը պետք է այնպիսի միջավայր ձեւավորի, որպեսզի ռուսական ներդրումները մնան Հայաստանում. «Գազի գինն այնքան լինի, որ այդ հնի մատչելի պայմաններում աշխատատեղեր ստեղծվեն, մեր ապրանքները մրցունակ լինի, դիտարկենք, որ Ռուսաստանը շահագրգիռ չէ՞ դրանու, իսկ ո՞վ ասեց, որ շահագրգիռ չի։ Որեւէ մի պետություն շահագրգի՞ռ է, որ Հայաստանում գնա սոցիալական լարվածություն, իհարկե ոչ։ Ի վերջո հայ–ռուսական հարաբերությունները պայմանավորված չեն օրվա իշխանություններով՝ կլինի դա Ռուսաստանում, թե Հայաստանում, կա դարերով պայմանավորված հայ–ռուսական ջերմ հարաբերություններ»։
Հետևեք մեզ Facebook-ում